ڕۆژی چوارشەممە ٨ی ڕێبەندانی ١٤٠٤(٢٨/٠١/٢٠٢٦) خۆپیشاندانێکی بەرین بە بەشداریغ دیاسپۆرای کورد له نۆروێژ بەڕێوە چوو.
خۆپیشاندانەکە بە سروودی نەتەوایەتیی ئەی ڕەقیب لەلایهن هونەرمەند شێرکۆ مەریوانی و ڕاگرتنی خولەکێک بێدەنگی بۆ ڕێزگرتن لە گیانی پاکی شەهیدان دەستی پێ کرد.
پهیامی هاوبهشی ڕێکخراوه مەدەنییەکان لەلایهن کاک ڕێزوان قزی، پهیامی ڕێکخراوهکانی ژنان لەلایهن خاتوو ئاشنا و پهیامی ڕێکخراوهکانی لاوان لەلایهن خاتوو لینسا خوێندرانەوە. له ههموو پەیامەکاندا داوای یەکگرتوویی و یەکڕیزیغ نهتهوهی کورد و پشتگیری لە دەوڵەت و ڕێکخراوهکانی وڵاتی نۆروێژ کرا.
له بهشێکی خۆپیشاندانهکهدا خاتوو ئینگرید فیسکۆ ئەندام پارلەمانی حیزبی چەپی سۆسیالیستی نۆروێژ، پهیامێکی پێشکەش کرد و پشتیوانیی خۆیانی بۆ ڕۆژهەڵات و ڕۆژاوای کوردستان ڕاگەیاند.
ههروهها ئێریک سێلە له پارتی کۆنسێرڤاتیڤی نۆروێژ پهیامێکی پێشکەش کرد که لە پهیامهکەیاندا باسی لە دڕهندەیی کۆماری ئیسلامی دژ به خهڵکی ئێران و نهتهوهی کورد کرد، بەتایبەت که له چهند حهوتووی ڕابردوودا به دهیان ههزار کهس لە خەڵکی ناڕازی لە شارەکانی ئێران و کوردستان شههید، بریندار و بێسهروشوێن کراون. ناوبراو پشتیوانیی حیزبهکهی خۆی بۆ سهربهخۆیی کوردستان دووپات کردهوه.
جێ ئاماژەیە لە بەشێکی دیکەی خۆپیشاندانەکەدا چهند سروود و پارچە پەخشان پێشکەش کران. هەروەها نمایشێکی کەزی هۆنینەوە لەلایەن چەند لاوێک بۆ پشتیوانی لە ڕۆژاوا پێشکەش کرا.
دیاسپۆرای کورد لەو چەند ڕێکخراوه مهدهنی و کۆمهڵایهتییانە پێکهاتووە: کۆمیتهی گشتیی کۆمهڵهی کولتووری کوردی، یهکیەتیی ژنانی دێموکراتی کوردستانی ئێران، یهکیەتیی لاوانی دێموکراتی ڕۆژههڵاتی کوردستان، ڕهوهندی کورد، سهنتهری ڕۆشنبیری، ئەنجومەنی نیشتمانیی کورد و ههروهها چهندین ڕێکخراوی دیکە له وڵاتی نۆروێژ.
خۆپیشاندانەکە بە وتنەوەی دروشم کۆتایی پێ هات.
