سەرەڕای تێپەڕبوونی ١٦ ڕۆژ بەسەر دەسبەسەرکردنی ناڕەوا و سەرەڕۆیانەی هاووڵاتییەکی خەڵکی پیرانشار بە ناوی "خالید حەسەنزادە"، هیچ زانیارییەکی ڕوون لەسەر چارەنووس و شوێنی ڕاگرتنی لەبەر دەستدا نییە.
بەپێی ڕاپۆرتی ڕێکخراوی مافی مرۆڤی "کوردپا"، خالید حەسەنزادە لە کاتی دەسبەسەرکرانییەوە تا ئێستا لە سەرەتاییترین مافەکانی وەک دەستڕاگەیشتن بە پارێزەر و چاوپێکەوتن یان پەیوەندیی تلفۆنی لەگەڵ بنەماڵەکەی بێبەش کراوە.
زانیارییەکان ئاماژە بەوە دەکەن کە هێزە ئەمنییەکانی کۆماری ئیسلامی، ناوبراویان بە مەبەستی لێکۆڵینەوە و ئەشکەنجەدان بۆ یەکێک لە گرتووخانە ئەمنییەتییەکانی ڕێژیم لە شاری ورمێ گواستووەتەوە.
خالید حەسەنزادە نێزیکەی دوو حەفتە لەمەوبەر بەبێ پیشاندانی بەڵگەی یاسایی لەلایەن هێزە ئەمنییەتییەکانەوە ڕفێندراوە.
تا ئێستا ناوەندە ئەمنییەتی و دادوەرییەکانی ڕێژیم هیچ ڕوونکردنەوەیەکیان سەبارەت بە هۆکاری دەسبەسەرکردن و ئەو تۆمەتانەی ئاراستەی ناوبراو کراون، بە بنەماڵەکەی نەداوە، ئەمەش نیگەرانییەکی زۆری لای کەسوکاری دروست کردووە.
