لە درێژەی ڕەوتی دەسبەسەرکران، ڕەشبگیری، سەپاندنی سزای قورس و گوشاری ناوەندە بەناو ئەمنییەتییەکانی ڕێژیمی کۆماری ئیسلامی بۆ سەر هاونیشتمانییان، ڕێکخراوە مافی مرۆییەکان باسیان لە دەسبەسەرکرانی دوو هاونیشتمانیی خەڵکی شاری کامێران کردووە.
بەپێی ڕاپۆرتی ڕێکخراوی مافی مرۆیی هەنگاو، ئیسماعیل خاتری و فواد شادی لە ئەندامانی دامەزراوەیەکی خێرخوازی لە شاری کامێران لەلایەن هێزە سەرکوتکەرەکانی ڕێژیمەوە دەسبەسەر کراوە.
بەپێی ئەو ڕاپۆرتە، ئەو دوو هاونیشتمانییە، خەڵکی ئاوایی شایەنی سەر بە شاری کامێران بوون و دوو ئەندامی "دامەزراوەی خێرخوازیی شایەنی"، لەلایەن هێزە سەرکوتکەرەکانی ڕێژیمەوە دەسبەسەر کراون.
دوای دەسبەسەرکرانیان بۆ شوێنێکی نادیار گوازراونەتەوە و هەتا ئێستا هیچ زانیارییەک لەسەر چارەنووسیان لەبەر دەستدا نییە.
