بەپێی زانیاریی هەواڵدەرییە مافی مرۆییەکان، بەندکراوانی بەندیخانەی گەورەی تاران ڕووبەڕووی کێشە و قەیرانی جۆراوجۆر لەوانەش: بڵاوبوونەوەی مێرووی "ساس"، گەرمای سووتێنەر بەهۆی نەبوونی ئامێری فێنککەرەوەی پێویست و کەمیی جێگە و خۆراک بوونەتەوە.
بەپێی ئەم ڕاپۆرتە، بەهۆی کەمیی شوێن و زۆریی ژمارەی بەندکراوان، هەندێک لە بەندکراوان تەنها چەند کاتژمێرێک لە شەو و ڕۆژێکدا بۆ پشوودان و خەوتن دەرفەتیان هەیە.
بە وتەی ئەم سەرچاوەیە، بەرپرسانی بەندیخانە ڕێگە نادەن بەندکراوان جلوبەرگ لە دەرەوەی بەندیخانە بهێنرێتە ژوورەوە و بۆیە ناچارن جلوبەرگی پێویست لەنێو بەندیخانە دابین بکەن.
بە گوێرەی ئەو زانیارییانە، تەنانەت بەندکراوان بەهۆی کەمیی خۆراکەوە، خۆراکی خۆیان خۆراک دابین و ئامادە دەکەن و ئەوەش لەکاتێکدایە کە زۆرێک لە بەندکراوان توانای ئەو کارەشیان نییە.
ئەم سەرچاوانە باس لەوە دەکەن کە نەبوونی ئامێری فێنککەرەوەی پێویست، کەمیی جێگە و دۆخی ناتەندروستی بەندیخانە، دۆخی بەندکراوانی لە بەندیخانەی گەورەی تاران زۆر دژواتر کردووە.
شایانی باسە لە زۆربەی بەندیخانەکانی ئێراندا ئەو کێشە و گرفتانە هەن و ڕێکخراوە مافی مرۆییە نێوخۆیی، جیهانی و نێونەتەوەییەکان لەمەڕ ئەو قەیرانەوە نیگەرانیی جیددیی خۆیان دەربڕیوە.
