ڕۆژی پێنجشەممە ٢ی ڕەزبەری ١٤٠٥، دایە نەسرەت مەمەندی ژنە تێکۆشەر و دایکی شەهید مستەفا مستەفەوی بەهۆی پیری و هەڵکشانی تەمەنەوە لە شاری بانە کۆچی دوایی کرد.
دایە نەسرەت لەو ژنە ئازایانە بوو کە بە بنەماڵەوە خزمەتی شۆڕشی و حیزبی دێموکراتیان کردووە.
کوڕێکی بە ناوی مستەفا مستەفەوی لە مانگی گەلاوێژی ساڵی ٦٧دا لەگەڵ چوار پێشمەرگەی هاوڕێی، لە ئاوایی سەید سارم لە شەڕ لەگەڵ هێزەکانی ڕێژیم شەهید بوو و چووە ڕیزی نەمرانەوە.
ناوبراو هەموو شانازییەکی ئەوە بوو کە جگەرگۆشەکەی لە ڕێگای ئازادی و سەربەستیی کوردستاندا شەهید بووە.
تەرمی ناوبراو لە گۆڕستانی شاری بانە و لەنێو ئاپۆڕای خەڵکی شارەکەدا ئەسپەردەی خاکی پیرۆزی کوردستان کرا.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە پرسە و سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
