لە چوارچێوەی بەرزکردنەوەی ئاستی هۆشیاریی سیاسی و ڕێکخراوەییی ئەندامانی حیزب، بەشی پەروەردەی کۆمیتەی سویسی حیزبی دێموکراتی کوردستانی ئێران، ڕۆژی یەکشەممە ١٩ی ڕەزبەری ١٤٠٥، کۆڕێکی پەروەردەییی تایبەتی لە شاری بێرن بەڕێوە برد.
​کۆڕەکە لەژێر ناونیشانی «ناسیۆنالیزمی کوردی، ئێرانی، تورکی و عەرەبی» و بە ئامادەبوونی هاوڕێی بەڕێز دوکتۆر ئیسماعیل بازیار مامۆستای زانکۆ و کادری حیزب بەڕێوە چوو.
​لە سەرەتای کۆڕەکەدا، تیشک خرایە سەر چەمکی ناسیۆنالیزم و جیاوازییەکانی ناسیۆنالیزمی نەتەوە باڵادەستەکان (ئێرانی، تورکی و عەرەبی) لەگەڵ ناسیۆنالیزمی ڕزگاریخوازانەی نەتەوەی کورد. دواتر بەڕێز د. ئیسماعیل بازیار بڕگەکانی بابەتی کۆڕەکەی بە تێروتەسەلی ڕوون کردەوە و ئاماژەی بە کارتێکەریی دەسەڵاتە ئێقلیمییەکان و ئاڵۆزییە سیاسییەکانی ناوچەکە کرد.
​بەشێکی بەرچاو لە کۆڕەکە تەرخان کرا بۆ تێبینی، پرس و ڕاگۆڕینەوەی ئامادەبووان و ئەندامانی بەشداربوو کە بە سەرنج و پێشنیارەکانیان ناوەڕۆکی بابەتەکەیان دەوڵەمەندتر کرد.
​لە کۆتاییدا، بەشی پەروەردەی کۆمیتەی سویس بەڕێز عوسمان یاری دەستخۆشی لە هاوڕێیانی بەشداربوو کرد بۆ بەدەنگەوەهاتن و بەشداریی چالاکانەیان لەم کۆڕە گرنگەدا.