ڕۆژی چوارشەممە ٨ی ڕەزبەری ١٤٠٥ی هەتاوی، کاک لوقمان مینایی کەسایەتیی نیشتمانپەروەر و دڵسۆزی حیزب و گەل و خەڵکی ئاوایی مێماندار سەر بە ناوچەی سندووسی نەغەدە و دانیشتووی ئەو شارە، بەهۆی نەخۆشییەوە لە تەمەنی ٥٦ ساڵیدا کۆچی دوایی کرد.
کاک لوقمان لە بنەماڵەیەکی شۆڕشگێری ناوچەی سندووس لەدایک بووە و ساڵانیکی زۆرە لە هیچ هاوکارییەک بۆ شۆڕش و حیزبی دێموکرات درێغی نەکردوە.
ناوبراو هەمووکات پشت و پەنا و دڵسۆزی تێکۆشەرانی حیزبی دێموکرات بووە.
ناوبراو، برای شەهید جەماڵ میناییە.
شەهید جەماڵ ساڵی ١٣٤٦ی هەتاوی لە ئاوایی مێماندار لەدایک بوو و لە ڕێکەوتی ٢٢ی خەرمانانی ٦٧ لە ئاوایی قەرەقەساب لە تیکهەڵچوونێک لەگەڵ هێزەکانی ڕێژیمی کۆماری ئیسلامیدا، شەهید بوو.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە پرسە و سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
