![](/files/sweddddwoyreband.jpg)
کۆمیتەی حیزبی دیموکراتی کوردستان لە وڵاتی سوید، بۆ بەرز و بەڕێز ڕاگرتنی یادی ٢ی ڕێبەندان، ٧١هەمین ساڵوەگەڕی دامەزرانی کۆماری کوردستان ڕێوڕەسمێکی پڕشکۆیان بە بەشداری نوێنەرایەتی زۆربەی هەرە زۆری حیزب و ڕێکخراوە کوردستانی و سویدییەکان، سەدان کەس لە ئەندامان، دۆست و لایەنگرانی حیزب و کوردانی دانیشتووی وڵاتی سوید، لە ستۆکهۆڵمی پایتەختی ئەو وڵاتە پێک هێنا.
سەرەتای ڕێورەسمەکە بە بەخێرهێنانی میوانان لە لایەن هەردووک بەڕیوەبەری بەرنامە، هاوڕێێان سۆزان فەتحی و مەریوان نەستانی و بە سرودی دۆژمن شکێنی ئەی رەقیب و پاراستنی یەک خۆلەک بێدەنگی بۆ ڕێزگرتن لە یادی شەهیدانی بزووتنەوەی ڕزگاریخوازانەی گەلەکەمان دەستی پێکرد. بە دوای ئەو دا هاوڕێ جەعفەر رەسووڵی بەپرسی کومیتەی بەڕیوەبەری یەکیەتی لاوانی دیموکراتی ڕۆژهەڵاتی کوردستان، بە بەخشینی شاخە گوڵێک بەو لاوانە و بە خاتوو موژدە عەزیزی، پێزانینی خۆی و ڕێکخراوەکەی بەرامبەر بە هەوڵ و ماندوو بوونی ئەو لاوانە نیشان دا. پاشان وتەی دەستەی ئامادەکاری ڕێورەسمەکە، بە دوو زمانی کوردی و سویدی، لە لایەن بەڕێوەبەرانەوە خوێندرایەوە. بە دوای ئەودا هاوڕێ سەعید بیگزادە ئەندامی ڕێبەری و بەرپرسی تەشکیلاتی دەرەوەی وڵاتی حیزبی دێموکراتی کوردستان وتاری سیاسی حیزبی پێشکەش کرد.
هاوڕێ سەعید بیگزادە لە وتەکانی دا ، باسی لە هەڵویستی بوێرانەی ڕێبەری ئەو کاتی حیزب و لە سەرووی هەموویانەوە پێشەوای مەزنی گەلی کورد، پێشەوا قازی محەمەد کرد .هەر وەها کۆمەلێک پرسی سیاسی تایبەت بە ئێران و کوردستانی خستە بەر باس.
لە برگەیەکی دیکە لەو رێورەسمەدا پەیامی حیزب و ڕێکخراوە کوردستانی و سویدییەکان لە رێگەی نوێنەرایەتییەکانیانەوە خوێندرانەوە کە بریتی بوون لە:
-نوێنەرایەتی حکومەتی هەرێمی کوردستان لە سوید کە لە لایان خاتوون کوێستان بابایی،یەوە خوێندرایەوە
- پارتی دێموکراتی کوردستان
- بزووتنەوەی گۆڕان
- پارتی ئازادی کوردستان
- پەیامی یەکیەتیی ژنانی دێموکراتی کوردستان
- پەیامی یەکیەتیی لاوانی دێموکراتی رۆژهەلاتی کوردستان