کوردستان میدیا: بە هاوکاریی UNPO و ئەندامانی پارلمانی ئورووپا، تووفانێکی تویتێری بەمەبەستی ئازادکردنی هەرچی زووتری "محەممەد نەزەری" و "زارا محەممەدی" بەڕێوە دەچێت.
بە مەبەستی گەیاندنی دەنگی ڕۆڵەکانی کوردستانی ڕۆژهەڵات بە کۆمەڵگای جیهانی، بڕیارە کە هەڵمەتێکی تویتێری بە هاوکاریی UNPO و ئەندامانی پارلمانی ئورووپا لە ئێوارەی ڕۆژی هەینی، ١٨ی ئۆکتۆبر، بەرانبەر بە ٢٦ی ڕەزبەر، لە کاتژمێری ١٨:٣٠ خولەک بە کاتی ناوەندی ئورووپا بەڕێوە بچێت کە ئەم هەوڵە ببێتە هۆی گەیاندنی دەنگی کپکراوی ئەم دوو هاووڵاتییە دەسبەسەرکراوە بە کۆمەڵگای جیهانی و لە زووترین کاتدا ئازاد بکرێن.
