کوردستان میدیا: ڕێوڕەسمی یادی ٧٠ ساڵەی دامەزراندنی کۆماری کوردستان لە باکووری کوردستان، لە شاری ئامەد، بە دەسپێشخەریی پارتی سوسیالیستی کوردستان بەڕێوەچوو.
بۆ ڕێزگرتن لە یادی کۆماری کوردستان و بۆ یەکەم جار لە شاری ئامەدی کوردستانی باکور ڕێوڕەسمێک بەڕێوەچوو کە تێیدا کۆمەڵێک لە چالاکانی سیاسیی و ژمارەیەک لە حیزبەکانی ئەو پارچەیەی کوردستان بەشدار بوون.
لەم ڕێوڕەسمەدا کە بەڕێز مەسعود تەک، سکرتێری گشتیی پارتی سوسیالیست تێیدا بەشدار بوو، باس لە گرینگیی ئەو ڕووداوە مێژووییە و وانەکانی بۆ نەسڵی نوێ، خرایە بەرباس و لە ڕاگەیەندراوێکی تایبەتدا باس لەوە کرا کە پاش نەمانی کۆمار، ئەوە دوکتور قاسملو و دوکتور شەرەفکەندی بوون کە نەیانهێشت ئاڵای خەبات نەوی بکرێت.
لە وەڵامی پرسیارێکی تەلەفزیۆنی ڕووداویشدا، سکرتێری پارتی سوسیالیستی کوردستان ڕایگەیاند؛ داخوازی پێشەوا قازی محەممەد لەمەڕ دامەزراندنی حکوومەتی کوردی، ئەمڕۆکە لە هەولێر جێبەجێ کراوە و ئێمەش داواکارین لە داهاتوودا ئەو داخوازە لە ئامەدیش بێتەدی.
کۆماری کوردستان لە ساڵی ١٩٤٦ی زایینی لە لایەن حیزبی دێموکراتەوە بە دەستی پێشەوا قازی محەممەد دامەزرا و بوو بە بڕگەیەکی گرینگی مێژوویی بۆ گەلی کورد لە هەر ٤ پارچەی کوردستان کە هەڵگری کۆمەڵێک وانەی مەزنی نیشتمان پەروەرین.
بۆ ڕێزگرتن لە یادی کۆماری کوردستان و بۆ یەکەم جار لە شاری ئامەدی کوردستانی باکور ڕێوڕەسمێک بەڕێوەچوو کە تێیدا کۆمەڵێک لە چالاکانی سیاسیی و ژمارەیەک لە حیزبەکانی ئەو پارچەیەی کوردستان بەشدار بوون.
لەم ڕێوڕەسمەدا کە بەڕێز مەسعود تەک، سکرتێری گشتیی پارتی سوسیالیست تێیدا بەشدار بوو، باس لە گرینگیی ئەو ڕووداوە مێژووییە و وانەکانی بۆ نەسڵی نوێ، خرایە بەرباس و لە ڕاگەیەندراوێکی تایبەتدا باس لەوە کرا کە پاش نەمانی کۆمار، ئەوە دوکتور قاسملو و دوکتور شەرەفکەندی بوون کە نەیانهێشت ئاڵای خەبات نەوی بکرێت.
لە وەڵامی پرسیارێکی تەلەفزیۆنی ڕووداویشدا، سکرتێری پارتی سوسیالیستی کوردستان ڕایگەیاند؛ داخوازی پێشەوا قازی محەممەد لەمەڕ دامەزراندنی حکوومەتی کوردی، ئەمڕۆکە لە هەولێر جێبەجێ کراوە و ئێمەش داواکارین لە داهاتوودا ئەو داخوازە لە ئامەدیش بێتەدی.
کۆماری کوردستان لە ساڵی ١٩٤٦ی زایینی لە لایەن حیزبی دێموکراتەوە بە دەستی پێشەوا قازی محەممەد دامەزرا و بوو بە بڕگەیەکی گرینگی مێژوویی بۆ گەلی کورد لە هەر ٤ پارچەی کوردستان کە هەڵگری کۆمەڵێک وانەی مەزنی نیشتمان پەروەرین.
