کوردستان میدیا

ماڵپەڕی ناوەندیی حیزبی دێموکراتی کوردستانی ئێران

"نێچیرڤان بارزانی" سپاسی لێپرسراوی گشتیی حیزبی دێموکراتی کوردستانی ئێرانی کرد

13:01 - 8 گەلاوێژ 2719

کوردستان میدیا: سەرۆکی هەرێمی کوردستان لە نامەیەکدا، سپاس و پێزانینی خۆی ئاراستەی لێپرسراوی گشتیی حیزبی دێموکراتی کوردستانی ئێرانی کرد.

دەقی نامەکە بەم چەشنەیە:

بەڕێز مستەفا هیجری

لێپرسراوی گشتیی حیزبی دێموکراتی کوردستانی ئێران

سڵاو و ڕێز؛

بە خۆشحاڵییەوە پەیامی پیرۆزباییتان بۆ هەڵبژاردنم بە سەرۆکی هەرێمی کوردستان، پێگەیشت.

زۆر سپاستان دەکەم، هیوادارم هەموو لایەک بتوانین بۆ سەقامگیری و قووڵکردنەوەی لێکتێگەیشتن، ئاشتی، تەبایی، پێکەوەژیان و لێبوردەیی، لەپێناو داهاتوویەکی باشتردا کار بکەین.

هیوای تەندروستی و بەختەوەریتان بۆ دەخوازم.

هەر سەرکەتوو بن.

نێچیرڤان بارزانی