"مستەفا هیجری" لێپرسراوی گشتیی حیزبی دێموکراتی کوردستانی ئێران بەبۆنەی کۆچی دوایی دوکتور "ڕۆژ نووری شاوەیس" ئه‌ندامی مه‌كته‌بی سیاسیی پارتی دێموکراتی کوردستان (PDK) پەیامێکی هاوخەمیی بڵاو کردەوە.

دەقی پەیامەکە بەم چەشنەیە:

ڕێزدار/ جەنابی کاک مەسعوود بارزانی سەرۆکی پارتی دێموکراتی کوردستان

وێڕای سڵاو و ڕێز،

هه‌واڵی کۆچی دوایی خوالێخۆشبوو دوکتور ڕۆژ نووری شاوەیس کادری لێوەشاوە و بەڕابردووی ڕێبەرایەتیی پارتی و ئه‌ندامی مه‌كته‌بی سیاسیی ئه‌و حیزبه‌، جێگای داخ و پەژارەی هەموو لایەکمانە.

بەو بۆنەوە لەلایەن ڕێبەرایەتیی حیزبی دێموکراتی کوردستانی ئێرانەوە سەرەخۆشی و هاوخەمیی خۆمان پێشکەش بە بەڕێزتان، ئەندامانی ڕێبەرایەتیی پارتی و هەموو ئەندامانی بنەماڵەی بەڕێزیان دەکەین و خۆمان لەو پەژارەیەدا بە بەشدار دەزانین.

لەگەڵ ڕێزی دووبارە

حیزبی دێموکراتی کوردستانی ئێران

لێپرسراوی گشتی

مستەفا هیجری

٢٧ی ڕێبەندانی ١٣٩٩ی هەتاوی

١٥ی فێڤرییەی ٢٠٢١ی هەتاوی