کوردستان میدیا: لێپرسراوی گشتیی حیزبی دێموکراتی کوردستانی ئێران بە بۆنەی ڕووداوی ناخهەژێنی سەقز پەیامێکی بڵاو کردەوە.
دەقی پەیامەکە بەم چەشنەیە:
بەداخەوە ڕووداوی ناخهەژێنی ئاگرکەوتنەوە لە تالاری مانگەشەو لە شاری سەقز کە کوژرانی ژمارەیەکی بەرچاو لە ڕۆڵەکانی کورد و برینداربوونی دەیان هاونیشتمانیی دیکەی لێکەوتەوە، هەموومانی خەمبار کرد.
بەم بۆنە غەمهێنەرەوە بە ناوی حیزبی دێموکراتی کوردستانی ئێرانەوە وێڕای بەداخ بوون لە ڕوودانی ئەم ڕووداوە، هاوخەمی و هاوسۆزیی خۆمان لەگەڵ بنەماڵەی بەڕێزی قوربانیانی ئەو کارەساتە دەردەبڕین و ئاواتخوازی چاکبوونەوەی هەرچی زووتری زام هەڵگرتووەکانین.
مستەفا هیجری
لێپرسراوی گشتی
حیزبی دێموکراتی کوردستانی ئێران
١٥ی سەرماوەزی ١٣٩٨ی هەتاوی
٦ی دێسامبری ٢٠١٩ی زایینی
