"مستەفا هیجری" لێپرسراوی گشتیی حیزبی دێموکراتی کوردستانی ئێران، بەبۆنەی "جێژنی قوربان" پەیامێکی پیرۆزبایی بڵاو کردەوە.

دەقی پەیامەکە بەم چەشنەیە:

بەبۆنەی جێژنی قوربانی پیرۆزەوە، پیرۆزبایی پێشکەش بە هەموو خەڵکی موسڵمان لە کوردستانی ئێران دەکەم، بەتایبەت لە بنەماڵەی سەربەرزی شەهیدان و زیندانییانی سیاسی.

هاونیشتمانییانی بەڕێز!

هەرچەند لەم ڕۆژانی جێژنەدا، پەتای کۆرۆنا، بێداهاتی و بێکاری، نابەرپرسبوونی ڕێژیمی کۆماری ئیسلامی لە بەرانبەر خەڵکی ئێران بەگشتی و خەڵکی کورد بەتایبەتی لەلایەک و توندوتیژتربوونی فەزای ئەمنییەتی لەسەر خەڵکی تێکۆشەر و چالاکانی سیاسی و مەدەنی، ژیانێکی ئارام و جێژن و خۆشیی بۆ کەس نەهێشتووەتەوە، بەو حاڵەش وشیاریی خەڵک و پێداگرییان لەسەر داخوازە ڕەواکانیان نیشانەی بەچۆکدا نەهاتن لە بەرانبەر ئەو هەموو دژوارییانەیە و هیوابەخشی ڕۆژانی درەوشاوەیە لە داهاتوودا.

جێژنتان پیرۆز و هیواکانتان وەدی بێت.

حیزبی دێموکراتی کوردستانی ئێران

لێپرسراوی گشتی

مستەفا هیجری

٩ی گەلاوێژی ١٣٩٩ی هەتاوی