کوردستان میدیا: بۆ پشتیوانی لە خەڵکی ڕاپەڕیوی کوردستانی ڕۆژهەڵات لە ئونتاریۆی کانادا، خۆپیشاندانێک بەڕێوە چوو.
ڕۆژی شەممە ڕێکەوتی ٣ی سەرماوەز، لەلایەن ناوەندی ھاوکاریی حیزبەکانی کوردستانی ئێران و ماڵی کورد لە شاری تۆرێنتۆ، بۆ پشتیوانی لە ڕاپەڕینی جەماوەریی گەلانی ئێران بەگشتی و کوردستان بەتایبەتی، خۆپیشاندانێک بە بەشداریی خەڵکی ھەر چوار بەشی کوردستان بەڕێوە چوو.
پەیام و دروشمەکان بۆ محکوومکردنی تاوانەکانی ڕێژیمی ئیسلامیی ئێران بە زمانەکانی کوردی، فارسی و ئینگلیزی خۆیندرانەوە.
پەیامی ناوەندی ھاوکاری بە دوو زمان کوردی و فارسی، لەلایەن دوکتور "ڕۆژان ئاشتاب و ئەیووب عەبدوڵڵاپوور"ەوە پێشکەش کران.
