Wezareta Dadê ya Amerîkayê di daxuyaniyekê de ragihand ku, vê saziyê li bajarê “Şîkago”yê,welatiyê Îranî-Amerîkayî yê navê Kambîz EtarKaşanî, bi tawana hinardina teknolojiya, kelûpel û xizmetguzariyên neqanûnî bo Îranê, binçav kirine.
Her di vê derheqê de jî, Joseph Bonaulanta wezîfedarê taybet yê Polîsê Vekolînên Federal a Amerîkayê (FBI) li Bostonê jî,got: Kambîz Etar Kaşanî, bi tawana “Xapandina kompaniyên Amerîkayê, bona şandina pêkhateyên elekteronîkî yên bilind bo hikûmeta Îranê” hatiye binçavkirin
Rojnameya “Boston Globe” jî di raporeke xwe de belav kiriye ku: Pêka ragihandinên dozgerên wê dosyeyê, di navbera Sibata 2019`an û Hezîrana 2021`î de Kaşanî û hevkarên wî, bi rêya du kompaniyên sexte yên li Îmaratê, teknolojî û parçeyên Amerîkî ji bo hinardekirinê radestî Îranê kirine, lê wî ji kompaniyayên xizmetguzariyê re gotiye ku ev kelûpel dê ji Îmarata Yekbûyî a Erebî re werin şandin.
