Kurdistanmedia: Derheq gireva bajarên Kurdistana Rojhilat, ku di çend bajaran de bi sedema hebûna enfilasiyona (tewerom, helawsan) zêde ji qas, û bilindbûna nirxan û xirabiya rewşa jiyanê, dukan û bazarên xwe daxistin, Dezgeha Rêkxistina Giştî ya Hizbê jî daxuyanek di vê derheqê de belav kir.

Deqa daxuyaniyê wiha ye:

Daxuyaniya derheq gireva di çend bajarên Kurdistana Rojhilat de

  Xelkê xweragir yê Kurdistanê

Her çavan ku hûn agehdar in, roja Yekşemî, 16`ê Rezberê, bazariyan di çend bajarên Kurdistanê de, dest avêtine girevê, û dukan û bazarên xwe daxistin.

Gireva roja Yekşemî ya di çend bajarên Kurdistana Rojhilat de, ku hevdem li bajar û deverên din yên Îranê de bi rê ve çû, dengvedana nerazîbûna xelkê bêzar yê Kurdistanê li hemberî rewşa bikirîz a aborî ye ku hemû cendekê welat bi xwe ve girtiye.

Ji aliyekî din ve jî, wekî hevxebatî û piştevanîkirina ji deverên din yên Îranê tê hesibandin.

Wekî siyaseta hertimî û pirensîpa neguher ya PDKÎ, em piştevaniyê ji vê girevê û rengên din yên berevanîkirina medenî ya hemû tex û çînên Îran û Kurdistanê dikin.

Hevçarenivîsiya gelên bindest yên Îranê, û  herifandina rejîma komara Îslamî, hewcehî bi hevxebatî û yekrêziya zêdetir heye, em vê yekê jî wekî xala cewherî ya yekalîkirina xebata li dijî rejîmê dizanin, û di dawiyê de jî em pêdagiriyê li ser dikin.

Her  li wir dîsan piştevaniya xwe bo berevanîkirina medenî a xelkê Kurdistanê, û bazariyan ducarî dikin, û hevdem pêdagiriyê li ser xebata cemawerî ya bajaran dikin.

Serkeve xebata cemawerî

Serkeve xebata bajaran

Partiya Demokrat a Kurdistana Îranê

Dezgeha Rêkxistina Giştî

16`ê Rezber a 1397`an

8`ê Çiriya Pêşîn a 2018`an