Kurdistanmedia: Duh Yekşemî xelkê Firansa çûn ser sindûqên dengdanê û Serokkomarê dilxwazê xwe hilbijartin, “François Hollande” bû Serokkomarê Firansa.


“François Hollande” di hilbijartinên Serokkomariyê ên Firansayê de 52 ji sedî a dengan bidest xist û li hember Nîkola Sarkozî Srokkomarê niha yê Firansayê de serkevt. weke di piropagendeyên hilbijartinan de “François Hollande” soz dabû, pêdagirî li ser baştirkirtina pirsa abûrî a Firansa dike û piştî ku weke Serkkomar hat hilbijartin, amaje kir ku hewl dide Yekîtiya Ewropayê li ser pirsa abûrî ji hev bicivîne.
Ji aliyek din ve jî nîkola Sarkozî şikesta xwe pijirand û di axaftinekê di nava alîgirên xwe de kêmasiyên sernekevtinê kişandin sitûyê xwe û sipasiya xelkê ji bo hewlên wan kir. Û herweha hêviya serkevtinê ji Serokkomarê teze huilbijartî re xwast û amaje bi girîngiya Firansayîbûnê kir.
“François Hollande” berbijêrê Partiya Sosyalîs a Firansa piştî nêzîk sê dehikan yekemîn kes ji Partiya han e ku piştî “ Francois Mitterrand” Dibe Serokkomarê Firansa.

Girîngîdan bi pirsên mirovî ji aliyê Partiya Sosyalîst ve yek ji xalên herî bihêz ên wê partiyê di nava alîgirên hundirî Firansa û dervey wî welatî ye.