Kurdistan Media: Komîteya Hizba Demokrat a Kurdistana Îranê-Rojavaya Kanada, li xwenîşandana hevwelatiyên kurd li hember darvekirina girtiyê siyasî ê kurd “Mensûr Arwend”de beşdarî kir.

Li gorî malpera Kurdistan Media, roja Şemî 20’ê Hezîrana 2015’an, hevwelatiyên kurd ên akinciyên Rojavaya Kanada li bajarê Venkoverê de xwenîşandanek li dijî rejîma Îslamî ya Îranê lidar xistin.

Hevwelatiyên kurd li vê xwenîşandanê de, tevî hevxemiya bi malbata şehîd Mensûr Arwend û girtiyên siyasî ên kurd, rûyê veşartî û dijîmirovî yê rejîma Îslamî ya Îranê weke rejîmekî terrorist û dijberê buhayên mirovî mehkûm û şermezar kirin.

Xwenîşanderan bi rakirina alaya pîroz ya Kurdistanê û poster û tarktên xemlandî bi wêneyê Mensûr Arwend û durûşmên nîştimanî û mafxwazane û herweha belavkirina agehdariyan, bala rêwî û geştiyaran bo bûyerên Rojhilata Kurdistanê de dikişandin.

Li gor vê raporê, xwenîşandana jib o pirotestokirina lidarvekirina Mensûr Arwend ji aliyê rejîma Îranê ve, bi hewl û xebatên çend aliyên siyasî yên Rojhilata Kurdistanê û bi beşdariya komîteya Hizba Demokrat a Kurdistana Îranê-Rojavaya Kanada hatibû birêxistin.

Sibêdeya roja Yekşemî, 14’ê Hezîrana 2015’an, hukmê lidarvekirina Mensûr Arwend, girtiyê siyasî ê kurd li girtîgeha Miyanduavê de hate cîbecîkirin.