Kurdistanmedia: Hevwelatiyekî Kurd xelkê bajarê Mihabadê piştî 11 rojan destbiserî li îdareya Îttilaata rejîma Îslamî a Îranê bi zîndana navendî a Mihabadê veguhastin.

Li gor rapora malpra Kurdistanmedia, Rehîm Reşî hemwelatiyê Kurd temen 66 salî û xelkê bajarê Mihabadê ku li meha Şibat a 2014\'an, ji aliyê hêzên Îttilaata rejîma Îranê ve hatibû giritin bo girtîgeha navendî a Mihabadê hat veguhastin.

Heya niha sedema destbiserkirina hemwelatiyê tû agahiyek ji ber dest nine.

Kempêyna berewanî ji zîndaniyên siyasî û sivîl di vê pêwendiyê de ragihandin ku çalakvanê siyasî yê han pitir ji 10 rojan li zîndana îdareya Îttilaata rejîma Îranê li jêr eşkence, bêrêzî û lêkolînê de bû.

Rehîm Reşî piştre jî di sala 1386 a Rojî de jî ji aliyê hêzên Îttilaata rejîma Îslamî ya Îranê ve hatibû girtin.



Hêjayê gotinê ye ku Simko Xelqtî girtiyê siyasî yê Kurd li zîndana Recî Şarê, roja Sêşmî 4\'ê Adar a 2014\'an, li benda 12\'ê bo benda 350\'ê a girtîgeha Êwînê hat veguhastin.

Simko Xelqtî girtiyê siyasî yê Kurd, 18\'ê Çileya Paşîn a 2010\'an, li bajarê Erakê bi sûça hewldan dijî tenahiya neteweyî ji rêya yek ji endamên partiyên Kurdî yên opozîsyona dijberî rejîma Îranê hat girtin û bi cezaya 15 sal zîndanî hat mehkûmkirin.