ئەندامێکی بەوەج و تێکۆشەری حیزبی دێموکراتی کوردستانی ئێران و هاوژینەکەی، بەهۆی ڕووداوێکی دڵتەزێنی هاتوچۆوە لە سەر ڕێگای مەهاباد-بۆکان گیانیان لەدەست دا.
ڕۆژی هەینی ٢٥ی بانەمەڕی ١٤٠٥ی هەتاوی، کاک یووسف ئەحمەدزادە کوڕی حەسەن مێرزائەحمەد، کەسێکی نیشتمانپەروەر و ئەندامی چالاکی حیزبی دێموکرات، لەگەڵ هاوژینەکای بەناوی کاڵێ کەریمیان، لە ڕووداوێکی هاتوچۆدا لە سەر ڕێگای مەهاباد بۆ بۆکان، گیانیان لەدەست دا.
لهو ڕووداوە دڵتەزێنەدا، سێ منداڵی دوو کچ و کوڕێکی بەسەختی بریندار بوون و ئێستا لەژێر چاودێریی پزیشکیدان.
هاوڕێ یووسف ئەحمەدزادە، خەڵکی ئاوایی "پیربادین"ی ناوچەی گەورکی بۆکان و لە بنەماڵەیەکی ناسراو و نیشتمانپەروەر بوو.
کاک یۆسف ئەندامی چالاک ، دڵسۆز و نیشتمانپەروەری حیزبەکەمان بەدرێژایی خەبات و بزووتنەوەی نوێی ڕۆژهەڵاتی کوردستان خۆی و بنەماڵەکەی لەهیچ تێکۆشان و فیداکارییەک درێغییان نەدەکرد.
تەرمی ناوبراوان لەنێو ئاپۆڕای خەڵکی نیشتمانپەروەدا بە خاک ئەسپێردران.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
