کوردستان میدیا

چوارشەممه 28ی بانەمەڕ 2722
ماڵپەڕی ناوەندیی حیزبی دێموکراتی کوردستانی ئێران

پەیامی "مستەفا هیجری" سەبارەت بە داسەپاندنی حوکمی زیندان بەسەر زارا محەممەدی

12:06 - 19 بەفرانبار 2721

مستەفا هیجری لێپرسراوی گشتیی حیزبی دێموکراتی کوردستانی ئێران، سەبارەت بە داسەپاندنی پێنج ساڵ زیندان بەسەر "زارا محەممەدی" مامۆستای زمانی کوردی، پەیامێکی بڵاو کردەوە.

دەقی پەیامەکە بەم چەشنەیە:

ئه‌م ده‌نگانه‌ كپ ناكرێن

زارایان خسته‌ زیندانه‌وه‌ تا به‌ خه‌یاڵی خۆیان ده‌نگی كپ بكه‌ن، بێخه‌به‌ر له‌وه‌ كه‌ ده‌نگی زارا و زاراكان له‌مێژ ساڵه‌ بووەته‌ ده‌نگی هه‌زاران تێكۆشه‌ری ماندویینه‌ناسی ڕێگای خوێناوی و سه‌ربه‌رزیی خۆزگه‌ و ئاواته‌كانی ڕزگاری و ئازادیی نه‌ته‌وه‌كه‌مان.

قوتابییه‌كانی مه‌كته‌بی زارا، زۆر و له‌بڕان نه‌هاتوون، زیندان نایانترسێنێت و ده‌نگیان كپ ناكات، ئه‌وان له‌ دڵی نه‌ته‌وه‌كه‌یاندا جێیان كردووەته‌وه‌ و سه‌رده‌كه‌ون.

قوڕ به‌سه‌ر ئه‌و دوژمنه‌ی هیوای به‌ به‌ندیخانه‌یه‌.

حیزبی دێموکراتی کوردستانی ئێران

لێپرسراوی گشتی

مسته‌فا هیجری

١٩ی به‌فرانباری ١٤٠٠