![](/weney-mallperr/13764.jpg)
کوردستان میدیا: بە وتەی بەرپرسی کومیتەی ئیمدادی خومەینی، ڕێژەی هەژاری و لێقەوماوی ڕۆژ لە دوای ڕۆژ لە ئێران لە حاڵی بەرزبوونەوەدایە و دەوڵەتە یەک لە دوای یەکەکان نەیانتوانیوە ئەو کێشەیە چارەسەر بکەن.
پەرویز فەتاحی لە وتوێژێکدا لەگەڵ هەواڵدەریی کاری ئێران ئیلنا ڕایگەیاند: هەوڵەکانی مەجلیس و دەوڵەتی کابینەی ڕووحانی وەکوو دەوڵەت و مەجلیسەکانی پێشوو نەیانتوانی پێش بە بەرزبوونەوەی هەژاری و دەستکورتی لە ئێراندا بگرن.
ئەو بەرپرسەی کومیتەی ئیمدادی خومەینی لە درێژەدا دەڵێت: بەشێکی زۆر لە هەژاران و لێقەوماوانی وڵات، چ ئەوانەی لە ژێر هێلی هەژاریدان و چ ئەوانەی بەرەو ئەو هێڵە دەڕۆن، یەکجار زۆرن لە ئێران.
بە وتەی ئەو بەرپرسە، کۆماری ئیسلامیی ئێران، بەردەوام لە حاڵی بەرهەم هێنانی هەژاریدایە و بەنیسبەتی ئەو هەژارییەش، ڕێژەی داواکاری و هارێکاریی خەڵکی لێقەوماو، ڕوو لە پەرەسەندنە.
بەرپرسی کومیتەی ئیمدادی خومەینی، دەوڵەت و مەجلیسەکانی کۆماری ئیسلامیی ئێرانی بە بێکیفایەت ناوزەد کرد کە ناتوانن پێش بە بڵاوبوونەوەی هەژاری لە ئێراندا بگرن.
بەرپرسانی ڕێژیمی کۆماری ئیسلامی، لە بڵاوکردنەوەی ئامار و ڕەقەمێک کە پەیوەندی بە هێڵی هەژاریی و دەستکورتییەوە بێت لە ئێران، خۆدەبوێرن، بەڵام بەپێی هێندێک ڕاپۆرت کە لە ناوەندی ئاماری ئێران بڵاوکراوەتەوە، لە ساڵی ١٣٩٣ی هەتاویدا، بەشێوەی نێونجی داهاتی ساڵانەی کەسە کەمداهاتەکان، ٤میلیۆن و ٥٠٠ هەزار تمەن بووە، لە کاتێکدا کە داهاتی سەرمایەدارەکان ساڵانە ٤٣ میلیۆن و ٥٨٠ هەزار تمەن خەمڵێندراوە.
بەپێی ڕاپۆرتێک کە لە ئاماری کومیسیونی کۆڕی ڕاوێژکاریی پاراستنی بەرژەوەندییەکانی نیزام بڵاوکراوەتەوە، لە سەدا ٢٥ی بنەماڵە هەژارەکان لە پارێزگاکانی سیستان و بەلووچستان، گوڵستان، خۆراسانی باکوور و باشوور نیشتەجێن.
پەرویز فەتاحی لە وتوێژێکدا لەگەڵ هەواڵدەریی کاری ئێران ئیلنا ڕایگەیاند: هەوڵەکانی مەجلیس و دەوڵەتی کابینەی ڕووحانی وەکوو دەوڵەت و مەجلیسەکانی پێشوو نەیانتوانی پێش بە بەرزبوونەوەی هەژاری و دەستکورتی لە ئێراندا بگرن.
ئەو بەرپرسەی کومیتەی ئیمدادی خومەینی لە درێژەدا دەڵێت: بەشێکی زۆر لە هەژاران و لێقەوماوانی وڵات، چ ئەوانەی لە ژێر هێلی هەژاریدان و چ ئەوانەی بەرەو ئەو هێڵە دەڕۆن، یەکجار زۆرن لە ئێران.
بە وتەی ئەو بەرپرسە، کۆماری ئیسلامیی ئێران، بەردەوام لە حاڵی بەرهەم هێنانی هەژاریدایە و بەنیسبەتی ئەو هەژارییەش، ڕێژەی داواکاری و هارێکاریی خەڵکی لێقەوماو، ڕوو لە پەرەسەندنە.
بەرپرسی کومیتەی ئیمدادی خومەینی، دەوڵەت و مەجلیسەکانی کۆماری ئیسلامیی ئێرانی بە بێکیفایەت ناوزەد کرد کە ناتوانن پێش بە بڵاوبوونەوەی هەژاری لە ئێراندا بگرن.
بەرپرسانی ڕێژیمی کۆماری ئیسلامی، لە بڵاوکردنەوەی ئامار و ڕەقەمێک کە پەیوەندی بە هێڵی هەژاریی و دەستکورتییەوە بێت لە ئێران، خۆدەبوێرن، بەڵام بەپێی هێندێک ڕاپۆرت کە لە ناوەندی ئاماری ئێران بڵاوکراوەتەوە، لە ساڵی ١٣٩٣ی هەتاویدا، بەشێوەی نێونجی داهاتی ساڵانەی کەسە کەمداهاتەکان، ٤میلیۆن و ٥٠٠ هەزار تمەن بووە، لە کاتێکدا کە داهاتی سەرمایەدارەکان ساڵانە ٤٣ میلیۆن و ٥٨٠ هەزار تمەن خەمڵێندراوە.
بەپێی ڕاپۆرتێک کە لە ئاماری کومیسیونی کۆڕی ڕاوێژکاریی پاراستنی بەرژەوەندییەکانی نیزام بڵاوکراوەتەوە، لە سەدا ٢٥ی بنەماڵە هەژارەکان لە پارێزگاکانی سیستان و بەلووچستان، گوڵستان، خۆراسانی باکوور و باشوور نیشتەجێن.