كوردستان میدیا: یەكیەتیی خوێندكارانی دێموكراتی كوردستانی ئێران لە پەیامێكدا بە بۆنەی دەستپێكردنەوەی ساڵی نوێ و كرانەوەی زانكۆ و خوێندنگاكان لە ئێران و كوردستاندا داوا لە خوێندكارانی كورد و نەتەوە ستەملێكراوەكانی دیكەی ئێران دەكات بۆ دابینبوونی ڕاستەقینەی هەموو ماف و داخوازییەكانی خۆیان لە داهاتوودا، پشتگیریی بزاڤی ڕاسان بكەن.
دەقی ئەو پەیامە بەم چەشنەی خوارەوەیە:
پەیامی یەكیەتیی خوێندكارانی دێموكراتی كوردستانی ئێران بە بۆنەی دەستپێكردنی ساڵی نوێی خوێندن
خوێندكارانی ئازادیخوازی كوردستان!
تێكۆشەرانی سەنگەری پەروەردە و زانست!
دەستپێكردنەوەی وەرزی نوێی خوێندن لە هەموو وڵاتێكدا، بە واتای كرانەوەی دەروازەیەكی نوێ بە ڕووی گەشەی تواناكانی خەڵك و پێشكەوتنی كۆمەڵگادایە كە نەوەكانی دواڕۆژی وڵات بۆ تەیاربوون بە چەكی زانست و ئاگایی ئامادە دەكات.
سیستمی پەروەردە و خوێندن بەستێنێكە كە گەشەی زانستی و كامڵبوونی توانای مرۆڤەكان وكاناڵیزەكردنیان بۆ خزمەت لە پێناوی بەختەوەریی كۆمەڵگادا دەكاتە ئامانج و بارهێنانی نەوەی دواڕۆژ لەو ڕێڕەوەدا، یەكێك لە ئەركە بنچینەییەكانی هەر دەسەڵاتێكی سەردەمیانەیە.
مخابن لە وڵاتی داگیركراوی ئێمەدا دەستپێكردنی وەرزی خوێندن، هەموو ساڵێك وەكوو كولاندنەوەی برینی كۆنی ژێردەستی و چەوسانەوەی نەتەوەكەمان و وەبیرهێنەری ئازاری داگیركاریی لەمێژینە و ئاسەوارە نگریسەكانی لە سەر وڵاتەكەمانە.
ئێرانی ژێردەسەڵاتی ڕێژیمە ناوەندگەرا یەك لە دوای یەكەكانی پەهلەوی و ویلایەتی فەقیه قەفەسێكی خنكێنەر بۆ ئەو نەتەوە و شوناسە فرەڕنگانەیە كە دەیان ساڵە بە زەبری ئاگر و ئاسن و بە بەهای ڕشتنی خوێن و پێشێلكردنی كەرامەت و زەوتكردنی مافە سەرەتاییەكانی دەیان میلیۆن مرۆڤی سەركوتكراو خۆی ڕاگرتووە. فەرهەنگی سیاسیی زاڵ بە سەر حكوومەتەكان و كۆمەڵگای سیاسیی ئەم وڵاتەدا هەر لە سەرەتای هاوردەكردنی مۆدێڕنیزمی ڕەزاشاییەوە، بە ئاپارتاید و ژینۆساید و ئاسیمیلە كردنی نەتەوە ژێردەستەكان و نامۆكردنیان لە فەرهەنگ و زمان و شوناسی نەتەوایەتی و ئیتنیكیی خۆیان و سەپاندنی زۆرەملیی شوناس و فەرهەنگی نەتەوەی باڵادەست فرچكی گرتووە.
سەرەتای دامەزراندنی زانكۆ و هێنانی ناوەندەكانی پەروەردە و فێركاریی سەردەمیانە بۆ ئێران، هاوكاتە لەگەڵ دامەزرانی دێوەزمەی دەوڵەتی بەناو مۆدێڕن لە ئێراندا كە بناغەكانی خۆی بە تەواوی لە ژێر هێژمۆنی سخت افزاریی دیكتاتۆریی ڕەزاخانی و لە سەر بنچینەی هێزی نرم افزاری و هزری شۆڤینیستیی كۆمەڵێك خوێندەواری پارسی ـ تەوەردا بینا كرد. هەر بۆیە دەكری بڵێین بناغەكانی ئەو سیستمە لە سەرتاوە بۆ خزمەت بە فاشیزمی بنجداكوتاو لە هەناوی فەرهەنگی سیاسیی سەرەڕۆیانەی ئێرانچیەتیدا دانرا كە نەك هەر نەیتوانی ببێتە هۆی گەشە و پێگەیاندنی كۆمەڵگایەكی تەندروست و مودێڕن، بەڵكوو لە تیۆری و كردەوەدا مودێرنێتەی ڕاستەقینەی لەو وڵاتەدا دەیان ساڵ و بگرە زیاتریش وە دوا خست و تا هەنووكەش یەكێك لە لەمپەرە سەرەكییەكانی سەر ڕێگای دێموكراسی و ئازادی و بەختەوەری و پێكەوەژیانی سەردەمیانە لە ئێران و كوردستانی داگیركراودایە كە نەك هەر بۆتە كۆسپێك لە سەر ڕێگای ڕزگاریی نەتەوە بندەستەكان، بەڵكوو بەهۆی گرێدانی چارەنووسی نەتەوەی باڵادەست بە مانەوەی خۆیەوە، مافی بەختەوەری و ئازادیی ڕاستەقینەی لەوانیش زەوت كردووە.
بە هاتنەسەركاری ڕێژیمی ویلایەتی فەقیه، هیچ هەوڵێك بۆ چاكسازی لەو سیستمەدا لە لایەن دەسەڵاتەوە نەدرا و تەنانەت بە زیادكردنی كۆت و بەندی ئیدئۆلۆژیكی ویلایەتی فەقیه لە چوارچێوەی پرۆژەی شۆڕشی فەرهەنگیدا، سیستمی خوێندن و پەروەردەی سەقەتی ئێران نەك هەر زمان و شوناسی فەرهەنگی و نەتەوەیی، بەڵكوو شوناسی ئایینی و بیروباوەڕی مرۆڤەكانیشی كردە گۆڕەپانێكی نوێ بۆ پەرەپێدانی پاوانخوازی و داگیركاریی سیستماتیكی خۆی، بە جۆرێك كە سڕینەوەی مرۆڤ لە مرۆڤبوون بە واتا مودێڕنەكەی بوو بە ئامانجی سەرەكی و كۆتایی پەروەردە و پێگەیاندن لەو سیستمەدا.
لە بەرانبەر ئەو هەموو ناهەقی و پێشێلكارییەدا، خەباتی نەتەوە ستەملێكراوەكانی ئێران بە پێشەنگایەتیی شۆڕشی ڕزگاریخوازانەی نەتەوەی كورد، دەیان ساڵە دەستی داوەتە بەرخۆدان و بەربەرەكانێ و بە پێشكەشكردنی بەنرخترین ڕۆڵەكانی خۆی، ڕەوتی سەپاندنی هێژمۆنی فەرهەنگیی داگیركەر و وەدیهاتنی خەونی ئیدئۆلۆژیكی ڕێژیمی لەگەڵ گرفت و كێشە بەرەوڕوو كردووە. لەم نێوانەدا بژاردە ڕووناكبیرییەكانی نەتەوەی كورد بە ئیلهام وەرگرتن لە گوتاری پێشكەوتنخوازانەی بزووتنەوەی ڕەوا و ڕزگاریخوازی نەتەوەكەیان، بزوێنەری سەرەكیی شۆڕشێك بوون كە هەنووكەش بۆ بەچۆكداهێنانی تەوژمی داگیركاری، چالاكانە لە گۆڕەپانی خەباتدا تێدەكۆشێت.
لەم ساڵانەی دواییدا كۆمەڵێك لایەن و كەسایەتیی نێو گۆڕەپانی سیاسیی كوردستان، لە هەوڵێكی كاڵفامانەدا بۆ بەرتەسككردنەوەی بازنەی داخوازییەكانی بزووتنەوەی كورد، بە دڵخۆشكردن بە هێندێك دروشمی بێ بنەمای سەركردەكانی ڕەوتی بەناو میانەڕەو و ئیسڵاحخوازی ڕێژیم و هەڕاجكردنی سەرمایەی سیاسیی خۆیان لە پێناوی كۆمەڵێك وادە و بەڵینیی نێوبەتاڵی وەك مادەی ١٥ی یاسای بنەڕەتیی ڕێژیم، چەواشەكارانە دەیانهەوێ وا نیشان بدەن كە ئەو بەندە لە یاساكانی ڕێژیم باس لە ئەركداركردنی دەسەڵاتدارانی تاران بە دابینكردنی ڕێوشوێنی خوێندن بە زمانی زگماكیی نەتەوە بندەستەكان دەكات، لە كاتێكدا كە تەنانەت لە دەقی ئەو مادە یاساییەشدا نە باس لە خوێندن بە زمانی نەتەوەكان كراوە و نە حكوومەتیش بەرانبەر بە هیچ شتێك بەدەر لە فەرمیبوونی زمانی فارسی بۆ هەموو گەلانی ئێران ئەركدار و بەرپرسیار دەكرێت.
سەرەڕای هەوڵی چەواشەكارانەی ئەو لایەنانە كە خزمەت بە سەپاندنی ڕەوایی و هێژمۆنی گوتاری داگیركەر لە كوردستاندا دەكات، لە یەك ساڵی ڕابردوودا شەپۆلێكی نوێی بەرخۆدان و هەستانەوەی بزووتنەوەی كورد بە ڕێبەرایەتیی حیزبی دێموكراتی كوردستانی ئێران لە ژێر ناوی ڕاساندا دەستی پێكردووە كە لەو پێناوەشدا چەندین پێشمەرگەی قارەمانی كوردستان گیانی پاكیان پێشكەش بە بارەگای ڕزگاری و هەرمانی نەتەوەكەیان كردووە. سەرەڕای ئەو تێچووە گرانبەهایە، بزاڤی ڕاسان لەو ماوەیەدا سەلماندوویە كە كورد وەكوو هێزێكی سەربەخۆ و شوناسێكی ڕاوەستاو لە سەر پێی خۆی، دەتوانێ لە بەرانبەر مۆتەكەی داگیركاری و هێژمۆنێخوازیی ڕێژیمی مرۆڤكوژی تاران و هەڕەشەی لقوپۆپەكانی لە ناوچەدا بەرگری لە مانی خۆی و بەهاكانی مرۆڤایەتی بكات و ڕەوتی زاڵبووونی گوتاری خۆبەدەستەوەدان لە بەرانبەر ئەو ڕێژیمەدا پێچەوانە بكاتەوە و گەیشتن بە ترۆپكی ڕزگاریی خۆی و لەنێوچوونی ئەو سیستمە بكاتە ئامانج.
ئێمە لە یەكیەتیی خوێندكارانی دێموكراتی كوردستانی ئێراندا پێمان وایە و بە ئەركی خۆمان و سەرجەم چالاكانی بزووتنەوەی ڕووناكبیری و خوێندكاریی كورد و نەتەوەكانی ژێر چەپۆكی ڕێژیمی داگیركەری ئێرانی دەزانین كە بە خوێندنەوەی زانستیانە بۆ بەهاكان و ئامانجەكانی بزاڤی ڕاسان، یارمەتیی سەركەوتنی ئەو بزاڤە بدەین، چوونكە ئامانجەكانی ڕاسان لە ڕاستیدا هەموومان لە ژێر چەترێكدا كۆ دەكاتەوە و دواڕۆژێكمان بۆ دەستەبەر دەكات كە بە دوور لە ئاسەوارەكانی دەیان ساڵ داگیركاری، زانكۆ و پەروەردەیەكی سەربەخۆ و سەردەمیانە و لە سەر بناغەی فەرهەنگ و زمانی نەتەوەكان لە كۆمەڵگایەكی ئازاد و تەندروستدا بەرهەم دەهێنێت.
بە هیوای هاوخەباتیی پتەوتر تا گەیشتن بە لووتكەی سەركەوتن
یەكیەتیی خوێندكارانی دێموكراتی كوردستانی ئێران
٤ی ڕەزبەری ٢٧١٦ی كوردی
دەقی ئەو پەیامە بەم چەشنەی خوارەوەیە:
پەیامی یەكیەتیی خوێندكارانی دێموكراتی كوردستانی ئێران بە بۆنەی دەستپێكردنی ساڵی نوێی خوێندن
خوێندكارانی ئازادیخوازی كوردستان!
تێكۆشەرانی سەنگەری پەروەردە و زانست!
دەستپێكردنەوەی وەرزی نوێی خوێندن لە هەموو وڵاتێكدا، بە واتای كرانەوەی دەروازەیەكی نوێ بە ڕووی گەشەی تواناكانی خەڵك و پێشكەوتنی كۆمەڵگادایە كە نەوەكانی دواڕۆژی وڵات بۆ تەیاربوون بە چەكی زانست و ئاگایی ئامادە دەكات.
سیستمی پەروەردە و خوێندن بەستێنێكە كە گەشەی زانستی و كامڵبوونی توانای مرۆڤەكان وكاناڵیزەكردنیان بۆ خزمەت لە پێناوی بەختەوەریی كۆمەڵگادا دەكاتە ئامانج و بارهێنانی نەوەی دواڕۆژ لەو ڕێڕەوەدا، یەكێك لە ئەركە بنچینەییەكانی هەر دەسەڵاتێكی سەردەمیانەیە.
مخابن لە وڵاتی داگیركراوی ئێمەدا دەستپێكردنی وەرزی خوێندن، هەموو ساڵێك وەكوو كولاندنەوەی برینی كۆنی ژێردەستی و چەوسانەوەی نەتەوەكەمان و وەبیرهێنەری ئازاری داگیركاریی لەمێژینە و ئاسەوارە نگریسەكانی لە سەر وڵاتەكەمانە.
ئێرانی ژێردەسەڵاتی ڕێژیمە ناوەندگەرا یەك لە دوای یەكەكانی پەهلەوی و ویلایەتی فەقیه قەفەسێكی خنكێنەر بۆ ئەو نەتەوە و شوناسە فرەڕنگانەیە كە دەیان ساڵە بە زەبری ئاگر و ئاسن و بە بەهای ڕشتنی خوێن و پێشێلكردنی كەرامەت و زەوتكردنی مافە سەرەتاییەكانی دەیان میلیۆن مرۆڤی سەركوتكراو خۆی ڕاگرتووە. فەرهەنگی سیاسیی زاڵ بە سەر حكوومەتەكان و كۆمەڵگای سیاسیی ئەم وڵاتەدا هەر لە سەرەتای هاوردەكردنی مۆدێڕنیزمی ڕەزاشاییەوە، بە ئاپارتاید و ژینۆساید و ئاسیمیلە كردنی نەتەوە ژێردەستەكان و نامۆكردنیان لە فەرهەنگ و زمان و شوناسی نەتەوایەتی و ئیتنیكیی خۆیان و سەپاندنی زۆرەملیی شوناس و فەرهەنگی نەتەوەی باڵادەست فرچكی گرتووە.
سەرەتای دامەزراندنی زانكۆ و هێنانی ناوەندەكانی پەروەردە و فێركاریی سەردەمیانە بۆ ئێران، هاوكاتە لەگەڵ دامەزرانی دێوەزمەی دەوڵەتی بەناو مۆدێڕن لە ئێراندا كە بناغەكانی خۆی بە تەواوی لە ژێر هێژمۆنی سخت افزاریی دیكتاتۆریی ڕەزاخانی و لە سەر بنچینەی هێزی نرم افزاری و هزری شۆڤینیستیی كۆمەڵێك خوێندەواری پارسی ـ تەوەردا بینا كرد. هەر بۆیە دەكری بڵێین بناغەكانی ئەو سیستمە لە سەرتاوە بۆ خزمەت بە فاشیزمی بنجداكوتاو لە هەناوی فەرهەنگی سیاسیی سەرەڕۆیانەی ئێرانچیەتیدا دانرا كە نەك هەر نەیتوانی ببێتە هۆی گەشە و پێگەیاندنی كۆمەڵگایەكی تەندروست و مودێڕن، بەڵكوو لە تیۆری و كردەوەدا مودێرنێتەی ڕاستەقینەی لەو وڵاتەدا دەیان ساڵ و بگرە زیاتریش وە دوا خست و تا هەنووكەش یەكێك لە لەمپەرە سەرەكییەكانی سەر ڕێگای دێموكراسی و ئازادی و بەختەوەری و پێكەوەژیانی سەردەمیانە لە ئێران و كوردستانی داگیركراودایە كە نەك هەر بۆتە كۆسپێك لە سەر ڕێگای ڕزگاریی نەتەوە بندەستەكان، بەڵكوو بەهۆی گرێدانی چارەنووسی نەتەوەی باڵادەست بە مانەوەی خۆیەوە، مافی بەختەوەری و ئازادیی ڕاستەقینەی لەوانیش زەوت كردووە.
بە هاتنەسەركاری ڕێژیمی ویلایەتی فەقیه، هیچ هەوڵێك بۆ چاكسازی لەو سیستمەدا لە لایەن دەسەڵاتەوە نەدرا و تەنانەت بە زیادكردنی كۆت و بەندی ئیدئۆلۆژیكی ویلایەتی فەقیه لە چوارچێوەی پرۆژەی شۆڕشی فەرهەنگیدا، سیستمی خوێندن و پەروەردەی سەقەتی ئێران نەك هەر زمان و شوناسی فەرهەنگی و نەتەوەیی، بەڵكوو شوناسی ئایینی و بیروباوەڕی مرۆڤەكانیشی كردە گۆڕەپانێكی نوێ بۆ پەرەپێدانی پاوانخوازی و داگیركاریی سیستماتیكی خۆی، بە جۆرێك كە سڕینەوەی مرۆڤ لە مرۆڤبوون بە واتا مودێڕنەكەی بوو بە ئامانجی سەرەكی و كۆتایی پەروەردە و پێگەیاندن لەو سیستمەدا.
لە بەرانبەر ئەو هەموو ناهەقی و پێشێلكارییەدا، خەباتی نەتەوە ستەملێكراوەكانی ئێران بە پێشەنگایەتیی شۆڕشی ڕزگاریخوازانەی نەتەوەی كورد، دەیان ساڵە دەستی داوەتە بەرخۆدان و بەربەرەكانێ و بە پێشكەشكردنی بەنرخترین ڕۆڵەكانی خۆی، ڕەوتی سەپاندنی هێژمۆنی فەرهەنگیی داگیركەر و وەدیهاتنی خەونی ئیدئۆلۆژیكی ڕێژیمی لەگەڵ گرفت و كێشە بەرەوڕوو كردووە. لەم نێوانەدا بژاردە ڕووناكبیرییەكانی نەتەوەی كورد بە ئیلهام وەرگرتن لە گوتاری پێشكەوتنخوازانەی بزووتنەوەی ڕەوا و ڕزگاریخوازی نەتەوەكەیان، بزوێنەری سەرەكیی شۆڕشێك بوون كە هەنووكەش بۆ بەچۆكداهێنانی تەوژمی داگیركاری، چالاكانە لە گۆڕەپانی خەباتدا تێدەكۆشێت.
لەم ساڵانەی دواییدا كۆمەڵێك لایەن و كەسایەتیی نێو گۆڕەپانی سیاسیی كوردستان، لە هەوڵێكی كاڵفامانەدا بۆ بەرتەسككردنەوەی بازنەی داخوازییەكانی بزووتنەوەی كورد، بە دڵخۆشكردن بە هێندێك دروشمی بێ بنەمای سەركردەكانی ڕەوتی بەناو میانەڕەو و ئیسڵاحخوازی ڕێژیم و هەڕاجكردنی سەرمایەی سیاسیی خۆیان لە پێناوی كۆمەڵێك وادە و بەڵینیی نێوبەتاڵی وەك مادەی ١٥ی یاسای بنەڕەتیی ڕێژیم، چەواشەكارانە دەیانهەوێ وا نیشان بدەن كە ئەو بەندە لە یاساكانی ڕێژیم باس لە ئەركداركردنی دەسەڵاتدارانی تاران بە دابینكردنی ڕێوشوێنی خوێندن بە زمانی زگماكیی نەتەوە بندەستەكان دەكات، لە كاتێكدا كە تەنانەت لە دەقی ئەو مادە یاساییەشدا نە باس لە خوێندن بە زمانی نەتەوەكان كراوە و نە حكوومەتیش بەرانبەر بە هیچ شتێك بەدەر لە فەرمیبوونی زمانی فارسی بۆ هەموو گەلانی ئێران ئەركدار و بەرپرسیار دەكرێت.
سەرەڕای هەوڵی چەواشەكارانەی ئەو لایەنانە كە خزمەت بە سەپاندنی ڕەوایی و هێژمۆنی گوتاری داگیركەر لە كوردستاندا دەكات، لە یەك ساڵی ڕابردوودا شەپۆلێكی نوێی بەرخۆدان و هەستانەوەی بزووتنەوەی كورد بە ڕێبەرایەتیی حیزبی دێموكراتی كوردستانی ئێران لە ژێر ناوی ڕاساندا دەستی پێكردووە كە لەو پێناوەشدا چەندین پێشمەرگەی قارەمانی كوردستان گیانی پاكیان پێشكەش بە بارەگای ڕزگاری و هەرمانی نەتەوەكەیان كردووە. سەرەڕای ئەو تێچووە گرانبەهایە، بزاڤی ڕاسان لەو ماوەیەدا سەلماندوویە كە كورد وەكوو هێزێكی سەربەخۆ و شوناسێكی ڕاوەستاو لە سەر پێی خۆی، دەتوانێ لە بەرانبەر مۆتەكەی داگیركاری و هێژمۆنێخوازیی ڕێژیمی مرۆڤكوژی تاران و هەڕەشەی لقوپۆپەكانی لە ناوچەدا بەرگری لە مانی خۆی و بەهاكانی مرۆڤایەتی بكات و ڕەوتی زاڵبووونی گوتاری خۆبەدەستەوەدان لە بەرانبەر ئەو ڕێژیمەدا پێچەوانە بكاتەوە و گەیشتن بە ترۆپكی ڕزگاریی خۆی و لەنێوچوونی ئەو سیستمە بكاتە ئامانج.
ئێمە لە یەكیەتیی خوێندكارانی دێموكراتی كوردستانی ئێراندا پێمان وایە و بە ئەركی خۆمان و سەرجەم چالاكانی بزووتنەوەی ڕووناكبیری و خوێندكاریی كورد و نەتەوەكانی ژێر چەپۆكی ڕێژیمی داگیركەری ئێرانی دەزانین كە بە خوێندنەوەی زانستیانە بۆ بەهاكان و ئامانجەكانی بزاڤی ڕاسان، یارمەتیی سەركەوتنی ئەو بزاڤە بدەین، چوونكە ئامانجەكانی ڕاسان لە ڕاستیدا هەموومان لە ژێر چەترێكدا كۆ دەكاتەوە و دواڕۆژێكمان بۆ دەستەبەر دەكات كە بە دوور لە ئاسەوارەكانی دەیان ساڵ داگیركاری، زانكۆ و پەروەردەیەكی سەربەخۆ و سەردەمیانە و لە سەر بناغەی فەرهەنگ و زمانی نەتەوەكان لە كۆمەڵگایەكی ئازاد و تەندروستدا بەرهەم دەهێنێت.
بە هیوای هاوخەباتیی پتەوتر تا گەیشتن بە لووتكەی سەركەوتن
یەكیەتیی خوێندكارانی دێموكراتی كوردستانی ئێران
٤ی ڕەزبەری ٢٧١٦ی كوردی
