دوکتور "بێهزاد جای باشی" داهێنەری لاوی خەڵکی شاری بۆکان بە بەشداریی لە فێستیڤاڵی داهێنان و توێژینەوەکان لە وڵاتی تورکیە توانی سێ میداڵی زێڕ و پەیکەرێک بەدەست بێنێت.
ئەو داهێنەرە "بۆکانـ"ـییە بە دروستکردنی کەرەستەیەکی ئیرۆدۆلۆژی، توانی سێ میداڵی زێڕ و پەیکەرێک لەو فێستیڤاڵە بەدەست بێنێت.
ناوبراو ئەو خەڵاتانەی لە سێ بەشی زانستی دەرمانیی کلاسیکی توێژینەوەکانی وڵاتی تورکیە، میداڵی زێڕی لە بەشی داهێنانی پیشانگا سەبارەت بە دروستکردنی کەرەستەی ئیرۆدۆلۆژی و میداڵی زێڕی لە ئاکادێمیی زانستەکانی یەکیەتیی ئورووپا لە بەشی توێژینەوە و داهێنان بەدەست هێناوە.
"ئیرۆدۆلۆژی" کەرەستەیەکە کە بۆ دیاریکردنی نەخۆشی، پێش سەرهەڵدانی کەڵکی لێ وەردەگیرێت.
ئەو کەرەستەیە پێکهاتووە لە کامێرایەکی پێنج مێگاپیکسێلی و نەرمه ئامێری شیکردنەوە.
ئەو کەرەستەیە لە چاوی نەخۆش وێنە دەگرێت و دوای شیکردنەوە، زانیاری سەبارەت بە نەخۆشییەکان دەداتە دەست.
ئەو کەرەستەیە بە ناوی "ئیرۆدۆلۆژی" لە شیرکەتی "کامجوو تێبیی کووشا" لە شاری بۆکان بەرهەم دێت.
پیشانگای داهێنان و توێژینەوەکان لەژێر چاوەدێریی وەزارەتی زانست و لێکۆڵینەوەکانی وڵاتی تورکیە، بە بەشداریی فێدراسیۆنی جیهانیی داهێنەران و وەزارەتی پەروەردە و لێکۆڵینەوەکانی سی وڵاتی جیهان لە شاری "ئیستامبووڵ" لە وڵاتی تورکیە بەڕێوە دەچێت.
