![](/files/seraqattttttt.jpg)
دادستانی گشتیو ئینقلابی تاران گوتی نزیك بە ١٧ هەزار دز تا كۆتایی ئەمساڵو تا چهند ڕۆژ پێش نەورۆز دەسبەسەر دەكرێن.
عەبباسی جەعفەری دەوڵەت ئابادی، دادستانی تاران داوای لە هێزی پۆلیسی ئەم شارە كردوە كە تا كۆتایی ئەمساڵو بەر لە گەیشتنی نەورۆزو سەری ساڵی نوێ، سەرجەم ئەم ١٧ هەزار كەسەی كە پێشتر لەسەر دزی كردن حوكم دراونو ڕابردووی دزییان ههیه دەستبەسەریان بكەن.
بەپێی دوایین ئامارەكان له ئاستی ئێراندا تاران لە پلەی یەكەمی ڕوودانی جۆرەكانی دزی كردندا جێی گرتووە و پاش تارانیش، پارێزگاكانی فارس، لۆرستان، ورمێ و كرماشان لەم پلەبەندییەدا بهڕیز ناویان دێ.
ڕێكخراوی ڕاپرسیی "گالووپ"یش ئەنجامی لێكۆڵینەوەكانی خۆی لە بارەی ڕێژەی دزیكردن لە وڵاتە جۆراوجۆرەكانی جیهان بڵاو كردۆتەوەو، بە پێی ئەم ڕاپرسییە ئێران لە پەنا ١٠ وڵاتی ئافریقاییدا، لە ڕیزی سەرەوەی ئەم وڵاتانەدا جێی گرتووە كە زۆرترین حاڵهتی دزی كردنیان لێ تۆمار دەكرێ.