لە درێژەی چالاکیی تەبلیغاتی بە بۆنەی ٢٨مین ساڵیادی شەهیدکرانی دوکتور قاسملوو بەدەستی تیرۆری کۆماری ئیسلامیی ئێران، ئەندامان و دۆستانی حیزبی دێموکرات لە شاری کرماشان یادی ڕێبەری ناوازەی کورد دوکتور قاسملوویان بەرز ڕاگرت.
لایەنگران و ئەندامانی دڵسۆز و بوێری حیزب لە گەورەشاری کرماشان بۆ جارێکی دیکە بە نووسینی درووشم و بڵاوکردنەوەی وێنەی قاسملووی شەهید وێڕای مەحکوومکردنی سیستمی تیرۆریستپەروەری کۆماری ئیسلامی، یاد و ناوی قاسملووی هەردەم زیندوویان کردەوە.
کۆمیسیۆنی تەشکیلاتی حیزبی دێموکراتی کوردستان بەچاوی ڕێزە سەیری سەرجەم تێکۆشانی، لایەنگرانی حیزب دەکا و بۆ سەرجەم دۆستانی خۆی لە شاری کرماشان سڵاو دەنێرێ.
