کوردستان میدیا: زیندانییەکی سیاسیی کورد بەناوی \'\'والی دروودی\'\' پاش ١٧ ساڵ لە تێپەڕ بوونی حوکمەکەی، ئیزنی مەرەخەسیی پێ نەدراوە.
هەواڵدەریی \'\'هرانا\'\' بڵاوی کردەوە، ئەو زیندانییە سیاسییە کوردە کە پێشتر لە هێزی دەریایی ئەرتشی رێژیمی ئێراندا بووە، لە دەیەی ٦٠ی هەتاوی بە تۆمەتی هاوکاریی حیزبێکی کوردیی دژبەری رێژیمی ئیسلامیی ئێران دەسبەسەر و هەتا ساڵی ١٣٧٢ لە زینداندا راگیراوە.
والی دروودی ساڵی ١٣٧٥ بۆ جاریکی دیکە لە کوردستان دەسبەسەر کرایەوە و ئەمجارەیان بە زیندانی هەتاهەتایی و دووخستنەوە بۆ زیندانی یەزد، مەحکووم کرا و هەنووکەش پاش ١٧ ساڵ لە تێپەڕ بوونی حوکمەکەی، لە مافی مەرەخەسی بەرییە.