Qutbûna berqê li Îranê bi qasekî zêde bûye ku berqa nexweşxaneyan jî qut dikin ku ew yek metirsiyeke gelek micid li ser canê nexweşan bi taybet li odeyên neştergerî û beşên pêregihîştina taybet de ye.

Rêjîma Îranê ji aliyekê ve bi îdiaya berhemanîna berq ji reaktorên navkî, geşê dide bernameya navkiya xwe bi armancên çêkirina çeka navokî,  û kompanî û kargehên mezin û biçûk ên pîşeyî bi sedema qutbûna berqê karê wan diksekine û rastî xisarên gelek mezin ên aborî dibin, ji aliyê din ve jî niha berqa nexweşxaneyan jî qut dike.

Qutbûna berqê li nexweşxaneyan de bûye pirskirêkekî gelek micid û metirsîdar û birêveberê nexweşxaneyan bi sedema bilindbûna nirxa matorên berqê nikarin wan bikirin ku li dema hestiyar de bi kar bînin.

Herwisa li nexweşxaneyên hikûmî de jî matorên berqê bi kar nayên û beşa herî zêde ya wan bi sedema karê zêde û kevinbûnê, rizî ne û bi kar nayên, ew yeka metirsî li ser canê nexweşan e, bi taybet li odeyên neştergerî û beşên taybet ên çavdêriya zêde û herwisa cihê mana nexweşên hestiyar de bûye gef li ser canê nexweşan.

Pêka gotina birêveberê Berqa Îranê, di Îranê de hewcehî bi berhemanîna 80 hezar Mêgawat berq heye û bi tenê 61 hezar Mêgawat berq tê berhemanîn û 17 hezar mêgawat berq kêm e.