Wê carê gelek ji deshilatdarên rejîmê jî daxwaz ji xelkê kirine ku di wê şanogeriyê de beşdar nebin û şerê wan bo geheştina dehilatê dijvartir dibe.

Roja 27ê Gulanê civata Alimên Muderise Hewza Êlmiya Qumê, dijayetiya xwe digel hilbijartina serkomariya rejîmê da xuyakirin û daxwaza hilweşandina hilbijartinê kir.

Civata Alimên Qumê di daxuyaniyekê de ragihand: Şêwra Nobedar gorî selîqa xwe selahiyet daye hin kesan û dengê xwe bi ser îrada xelkê de sepandiye, lewma ew hilbijartin tenê maşkanêyeke û divê bête hilweşandin.‏

Ayetulah Hucetiyê Kirmanî endamê berê yê meclisa Xêbrgan jî daxwaz ji Elî Xamineyî kir ku di demekê de ku wî Îbrahîm Reîsî diyarî kiriye, bila hilbijartin bête hilweşandin û xercekî bêçineye Milyardî jî bo hilbijartinê nekin. 

Hesen Xumeynî nevyê Ayetulah Xumeynî yê damezrênerê wê rejîmê jî dijayetiya xwe digel wê hilbijartinê da xuyakirin û rexnên tund li Şêwra nobedar girtin.

Êshaq Cehangîrî cêgirê nihaye serkomar jî ku selahiyeta wî hatiye red kirin, got: Dema ku şêwra nobedar ji biryara xwe ez agehdar kirim, mala min de bû cêjn û xweşî û ez jî wê şewê asûde razam.

Ehmedînejadê serkomarê berê yê rejîmê jî bajar bi bajar diger û ne rewa bûna hilbijartinê tîne ziman û pirûpagendê dike bo beşdarî nekirinê, û alîgirên wî dibêjin: ewê di wê hilbijartinê de ditorîne, Elî Xamineyî ye.

Malbata Larîcaniyn jî ku di asta herî serveye deshilata wê rejîmê de ne, bi eşkere lome û nerizayetiya xwe didne xuya kirin û nerazî bûna xwe ji karê Şêwra nobedar didne kivşê.

Elî Xamineyî roja derbas bûyî hate cihab û piştewaniya xwe ji Şêwra Nobedar ragihand, û got ewên dijî hilbijartinê û şêwra nobedar dixunin û xelkê haydidin ku di hilbijartinê de beşdariyê nekin, bê guman dijî dostê xelkê ninin, ew qisa Xamineyî jî hebxwe gefe ji wan kesan.