Serkomarê Amerîkayê “Donald Tiramp” rewşa awarte ya li dijî rejîma Îranê, bo heyamê saleke din dirêj kir.

Roja Pêncşemî, 12ê Cirriya Paşîn 2020, Koşka Spî di daxuyaniyekê de ragehand ku: “Donald Tiramp” Serkomarê wî welatî,  rewşa awarte ya li dijî rejîma Îranê, bo heyamê saleke din taze kir, û di vê daxuyaniyê de hatiye ku, kiryar û siyasetên rejîma Îranê, heya niha jî, li dijî ewlehiya neteweyî û siyasetên derve û aboriya Amerîkayî gef in.

Herwisa Koşka Spî di vê daxuyaniyê de ragehand ku, serkomarê wî welatî, rewşa awarte ya bidijî rejîma Îranê ku, li 24`ê Reşemehê bidawî dibe, heya sala 2021`an nû kir.

Ev destûra li serdemê serkomariya “Bill Clinton” li sala 1995`an, bi dijî rejîma Îranê hatiye pesendkirin, û serkomaran li vê serdemê şûnda, bi awayekî berdewam ev rewşa berdewam kirine.

Amerîka berdewam radigehîne: Rejîma Îranê bi bernameyên mûşekî û piştevanîkirin li girûpên çekdar û terorîstî, dibe sebeba nearamî û aloziyî di deverê de.