Dezgeha Fermandehî ya Hêza Pêşmergê Kurdistanê li derheq destdirêjiyên Spaha Pasdaran a terorîst bo ser çiyayên Kurdistanê, daxuyaniyek belav kir.

Deqa daxuyaniyê wiha ye:

Daxuyaniya Dezgeha Fermandehî ya Hêza Pêşmergê Kurdistanê

Em xelkê bi rûmet yên Kurdistanê agehdar dikin ku rejîma kevneperest ya Îslamiya Îranê di demsala Buharê de li rêkevta 21`ê Banemera 1401`an a Rojî (11`ê Gulana 2022`an), navçeyên çiyayî yên Rojhilat û Başûrê Kurdistanê bi çekên cur bi cur ên giran û balafirên bê balafirvan topbaran û mûşekbaran kir. Ev kiryara dije geliya rejîmê di demekê de ye ku pez û ajelên xelkê di wan çiyayan de ne û kasibkar bo bijîva jiyana xwe hertim diçine çiyayan. Lê rejîma dije gel û  terorîst a Komara Îslamî ya Îranê wek hertimî dijî asayişa xelkê Kurdistanê ye û di demsala werzêriyê de, dest diavêje bi wan kiryarên dije gel û xisaran bi xelk, çiya û gundan digihîne.

Pêka zaniyariyên Dezgeha Fermandehî, bi xweşî ve ziyanên canî li ti kes û aliyekê nekevtiye, lê ziyanên madî li xelkê û çiyayan kevtiye.

Em wê kiryara dije gel şermezar dikin û xelkê Kurdistan ji vê kiryara Spaha Pasdaran a terorîst xweş nabe.

Emê we di paşerojê de li çawahiya destdirêjiyên rejîmê agehdar bikin.

Dezgeha Fermandehî ya Hêza Pêşmergê Kurdistanê

21`ê Banemer a 1401`an a Rojî

11`ê Gulana 2022`an