Kurdistanmedia: Navenda Hevkariya Hizbên Kurdistana Îranê di daxuyaniyekê de piştevaniya xwe ji girevgirtina ajotvanên tirombêlên barhilgir eşkere kir.

Deqa daxuyaniyê:

Daxuyaniya Navenda Hevkariya Hizbên Kurdistana Îranê: Em piştgiriyê ji gireva ajaotvanên tirombêlên barhilgir dikin.

Heyama nêzîk bi hefteyekê ye ku ajaotvanên tirombêlên barhilgir di çendîn bajarên Îran û Kurdistanê de ji wan: Meşhed, Hemedan, Bûşêhr, Îsfehan, Şîraz, Seqiz, Kirmaşan, Dîwandere, û …hwd, bona nîşandana nerazîbûna xwe di hemberî cîbicînekirina xwestekên pîşeyî girev girtine, û serbarê qewlên bêbingeh ên karbidestên Komara Îslamî bona cîbicîkirina daxwazên xwe, girevgirtin di çendîn bajarên curbicur de berdewam e.

Herçend ku girevgirtina ajaotvanan daxwazeke pîşeyî ye, lê encam û beşek e ji vê kirîza aborî ku deshilatdarên rejîmê bo xelkê Îranê pêk anîne, û xelk bona bidestveanîna bijêwa jiyana xwe ya rojane rastî çendîn kêşeyan dibin. Eva jî di demekê de ye ku Komara Îslamî her sal çendîn milyard Dolarî dike xercê girûpên tundrê û terorîst di welatên cur bi cur de.  

Em tevî eşkerekirina piştevaniya xwe ji gireva berfireh ya ajotvanên tirombêlên barhilgir di bajarên Îran û Kurdistanê û herwisa girev û nerazîbûna tex û çînên curbicur ên civaka Îranê, daxwaza desteberbûn û bidestxistina dawazên wan ên rewa dikin.

Bersivnedana bi daxwazên tirombêlên barhilgir mînakek e ji piştguhxistina jiyana xelkê ji aliyê berpirsên rejîma Îslamî ve.

Serkevtî be gireva ajotvanên tirombêlên barhilgir li bajarên Îran û Kurdistanê

Hiloşe rejîma Komara Îslamî ya Îranê

Navenda Hevkariya Hizbên Kurdistana Îranê

05.03.1397