Kurdistamedia: Fermandehiya hêzên çekdar ên Rejîma Îranê di biryarekê de beşek ji mûçeyên(heqdest) mehane ên çekdarên xwe kêm kiriye.
Li gor nûçegeya malpera Kurdistanmedia, fermandehiya giştî ya hêzên çekdar li bajarê Xoyê 200 heya 250 hezar tûmen ji mûçeyên fermandeyan kêm kiriye.
Her di vê derheqê de 50 heya 80 hezar tûmen jî ji mûçeyên mehane ên pileyên xwarê jî kêm kiriye.
Bi gotina çavkaniyên agehdar, berpirsên nizamî ên rejîmê kêmkirina mûçeyên mehane vedigerînin bo arîşeyên aborî û nebûna bûdceya pêdivî.
Ev biryara berpirsên nizamî ên bajarê Xoyê, kêmkirina xwarin û vexwarina hêzên çekdar jî bi xwe ve digire û %40 jî kêm bûye.
Bona vê biryarê hêzên çekdar ên Rejîma Îranê nerazîbûna xwe nîşan dan.