کوردستان میدیا: سەندووقی نێودەوڵەتیی دراو لە پێشبینییەکانی خۆیدا، داڕمانی ئابووریی ئێرانی بە هۆکاری ڕادەی دابەزینی گەشەی ئابووری لە ڕۆژهەڵاتی نێوەڕاست و باکووری ئافریقا ناو برد.
رۆژی سێشەمە، ٢٠ی خاکەلێوە، سندووقی نێودەوڵەتیی دراو، لە نوێترین ڕاپۆرتی خویدا بڵاوی کردووەتەوە، لە ساڵی ٢٠١٩دا ئابووریی ئێران ٦ لەسەد دادەبەزێت و بەو پێیە ئێران کە لە ساڵی ٢٠١٢ بەملاوە به ڕێژەی ٧/٧ لەسەد گەشەی نێگاتیف تووشی مەندیی ئابووری بووە، لە ساڵی ٢٠١٩دا خراپترین دۆخی ئابووری دەبێت.
سندووقی نێودەوڵەتیی دراو، لە پاییزی ساڵی ڕابردوودا پێشبینی کردبوو، کە گەشەی نێگاتیڤی ئابووریی ئێران نزیک بە٣/٦ دەبێت، بەڵام بە هۆی گەمارۆوەکان و دابەزینی ئاستی فرۆشی نەوتی ئێران، کارناسانی ئەم سندووقە ئەم ڕێژەیانە لە ٣/٦ هەتا ٦ لەسەد ڕاگەیاندووە.
گەشەی نگاتیڤی ئابووریی ئێران، لە ساڵی ٢٠١٨ سەرەتا ١/٥ لەسەد پێشبینی کرابوو، بەڵام دواتر بۆ ٣/٩ لەسەد بەرز بووەوە.
ئەم سندووقە هەروەها باسی لەوە کردووە، کە داڕمانی ئابووریی ئێران، بە هۆی کەمبوونەوەی کڕین و فرۆشتنی نەوتی و شەڕ و ئاڵۆزی لە وڵاتانی یەمەن، سووریە و عێراق بۆتە هۆی گەشەی لاوازی ئابووری لە ڕۆژهەڵاتی نێوەڕاست و باکووری ئافریقایە.
