بەرپرسێکی کاروباری نێودەوڵەتیی ڕێژیمی ئیسلامیی ئێران وتوویەتی: "لەوانەیە هەڵسوکەوتی هەر دوو حیزبی ئامریکا لەگەڵ ئێمە جیاواز بێت، بەڵام ئەو جیاوازییە لە چۆنیەتیی گەیشتنە بە ئامانج و ئامانجی کۆتایی هەر دوو حیزب، گۆڕینی سیستەمی ڕێژیمی ئێرانە".
"حوسێن عابدی" کارناسی کاروباری نێودەوڵەتیی ڕێژیمی ئێران لە وتوێژێک لەگەڵ هەواڵدەریی "فارسـ"ـی سەر بە ڕێژیم وتوویەتی: "دوو حیزبی کۆماریخواز و دێموکرات هیچ جیاوازییەکیان بەنیسبەت ئێرانەوە نییە و ئامانجیان یەکێکە".
"عابدی" باسی لەوە کردووە: "ئامریکا یەک نووکەڕمی بە ناوی ئیسرائیل لەنێو دڵی ئیسلامدا هەیە و هەر دوو حیزبی ئامریکا لە هەوڵی پاراستن و پاریزگارین لە ئیسرائیل و ئەو وڵاتە وەک کارتێکی گوشار لە دژی ئێمە بەکار دێنن".
