وەزارەتی دادگوستەریی ئامریکا ٢٧ دۆمینی ماڵپەڕەکانی سەر بە سپای تێرۆریستی پاسدارانی کە ویستوویانە لە هەڵبژاردنەکاندا دەستێوەردان بکەن، داخست.
ڕێکەوتی ١٤ی خەزەڵوەر وەزارەتی دادگوستەریی ئامریکا ڕایگەیاندووە، ئەو ٢٧ ماڵپەڕە بەهۆی بڵاوکردنەوەی زانیاریی هەڵە داخراون.
لەو پێوەندییەدا ڕێکەوتی ١٦ی ڕەزبەر وەزارەتی دادگوستەریی ئامریکا لە بەیانییەیەکدا بڵاوی کردەوە، ٩٢ دۆمینی ئێنتێرنێتی (Internet domain) کە لەلایەن سپای پاسدارانی ڕێژیمەوە بۆ بڵاوکردنەوەی زانیاریی نادروست کەڵکی لێ وەرگیراوە، سڕیوەتەوە.
لەو بەیانییەیەدا هاتبوو، ئەو ٩٢ دۆمینە ئینتێرنێتییە لەلایەن وەزارەتی دادگوستەریی ئامریکاوە بەهۆی بڵاوکردنەوەی زانیاریی هەڵە لە جیهاندا سڕدراونەتەوە.
چوار دانە لەو ٩٢ دۆمینە بە شاراوەیی خۆیان لە ئاستی ئەو هەواڵدەرییە جێگای متمانانەدا ناساندووە کە هەواڵی جێگای باوەڕ بڵاو دەکەنەوە.
٨٨ دانە لەو دۆمینانە کە سپای ڕێژیم کەڵکی لێ وەرگرتوون، بەردەنگەکانیان وڵاتانی ئورووپایی، ڕۆژهەڵاتی نێوەڕاست و باشووری ڕۆژهەڵاتی ئاسیا بوونە.
