کوردستان میدیا

یەکشەممە 5ی رێبەندان 2720
ماڵپەڕی ناوەندیی حیزبی دێموکراتی کوردستانی ئێران

ئامریکا سێ کەسی بەهۆی هاوکاریکردنی ئێران سزا دا

12:13 - 24 بەفرانبار 2720

وەزارەتی دادگوستەریی ئامریکا سێ هاووڵاتیی ئێرانی بەهۆی پیلان بۆ هەناردەکردنی کاڵای زۆر گرینگ بۆ ئێران و دەورلێدانەوەی گەمارۆکانی ئامریکا سزا داوە.

بەپێی ئەو بەیانییە سێ کەس لە ماوەی ساڵەکانی ٢٠١٥ هەتا ٢٠١٧ لە ڕێگای "فریودانـ"ـی شیرکەتە ئامریکاییەکان "کەرەستەی زۆر پێشکەوتوو"ی دروستکراوی "ئامریکا"یان لە ڕێگای ئیمارات بۆ ئێران ناردووە.

شوناسی ئەو سێ کەسە "ئارەش یووسفیی جەم، ئەمین یووسفیی جەم و عەبدوڵڵا موئمینی" ڕاگەیەندراوە.

وەزارەتی دادگوستەریی ئامریکا ڕایگەیاندووە ئەگەر تاوانی ئەو سێ کەسە بسەلمێندرێت ئەو کەسانە لە ٥ ساڵ زیندان و ٢٥٠ هەزار دۆلار و بەهۆی پێشێلکردنی یاساکانی هەناردەکردن بە ٢٠ ساڵ زیندان و ٥٠٠ هەزار دۆلار جەریمە دەکرێن.