کوردستان میدیا

دووشەممه 24ی جۆزەردان 2721
ماڵپەڕی ناوەندیی حیزبی دێموکراتی کوردستانی ئێران

ئامریکا گەمارۆی خستە سەر ٢٨ شیرکەتی وڵاتی چین

12:12 - 14 جۆزەردان 2721

سەرکۆماری ئامریکا "جۆ بایدن" بە دەرکردنی فەرمانێکی کردەیی، چەند شیرکەتی وڵاتی چینی خستە لیستی ڕەشەوە.

"جۆ بایدن" لەو بڕیارەدا، ناوی ٢٨ شیرکەتی چینیی بە لیستی ئەو شیرکەتانەی کە وەبەرهێنانیان لە ویلایەتە یەکگرتووەکانی ئامریکا قەدەغەیە، زیاد کرد.

پێوەندیی نێوان "واشنتۆن" و "پێکەن" لە دوای هاتنە سەر کاری "بایدن" بە ساردوسڕی بەڕێوە دەچێت.

ئەو دوو وڵاتە سەبارەت بە زۆر بابەت لەوانە: "مافی مرۆڤ، بازرگانی، تایوان و دەریای چین و هەروەها لە پێوەندی بە بڵاوبوونەوەی پەتای کۆرۆنا"، لەگەڵ یەکتر کێشەی جیدییان هەیە.