ڕۆژی هەینی ڕێکەوتی ٧ی خەرمانانی ١٣٩٩ی هەتاوی، مام "عەبدوڵڵا مەندان" باوکی پیشمەرگەیەکی هێزی پێشمەرگەی کوردستان بەهۆی نەخۆشی ماڵاوایی لە ژیان کرد.
مام عەبدوڵڵا خەڵکی گوندی "دۆلەپێسانی" گەلی بەندی ورمێ و دانیشتووی شارەدێی "ڕاژان" بوو. ناوبراو لە تەمەنی ٧٢ ساڵیدا بەهۆی نەخۆشی کۆچی دوایی کرد.
ناوبراو باوکی "وەیسی مەندان" پێشمەرگەی حیزبی دێموکراتە و ماوەی چەندین ساڵە کوڕەکەی چەکی پارێزگاری لە نیشتمانەکەی کردووەتەوە شان.
مام عەبدوڵڵا کەسێکی نیشتمانپەوەر و حیزب خوشەویست بوو و لە کاتی خۆیدا ماڵی ناوبراو شوێنی حەسانەوە پێشمەرگە بووە.
تەرمی ناوبراو لەنێو ئاپۆرای خەڵکی ناوچەکەدا بە خاک ئەسپێردرا.
حیزبی دێموکراتی کوردستانی ئێران سەرەخۆشی لە بنەماڵە، خزم و کەسوکاری ناوبراو دەکات و خۆی بە شەریکی خەمیان دەزانێت.
