ڕێکەوتی ٢١ی خەزەڵوەر، دادگای نیزامیی یەمەن "حەسەن ئیرلوو" باڵوێزی ڕێژیمی ئێران لەلای حووسییەکانی بانگهێشت کرد و سکاڵایان لەسەر تۆمار کردووە.
دادگای نیزامیی یەمەن هۆکاری بانگهێشتی "ئیرلوو"ی گەڕاندووەتەوە بۆ "چوونەژوورەوەی نهێنی بۆ خاکی ئەو وڵاتە بە مەبەستی سیخوڕی، کاری تێکدەرانە و هاوکاریی لەگەڵ حووسییەکان بۆ ئەنجامی عەمەڵیاتی دوژمنکارانە دژی ئەرتش و خەڵکی یەمەن".
پێشتر "سەعید خەتیبزادە" وتەبێژی وەزارەتی کاروباری دەرەوەی ڕێژیمی ئێران ڕایگەیاندبوو: "حەسەن ئیرلوو یەکێک لە فەرماندەکانی سپای پاسدارانە و وەک باڵوێزی ئێران چووەتە سەنعای پێتەختی یەمەن".
ئەو قسانەی "خەتیبزادە" دژکردەوەی دەوڵەتی یەمەنی لێکەوتەوە و ئەو هەوڵەی ڕێژیمی ئێرانی وەک دیاریکردنی حاکمی نیزامی بۆ سەر پێتەختی یەمەن ناوزەد کردووە.
هەروەها دەوڵەتی یەمەن ئەو هەوڵانەی ڕێژیمی ئێرانیان وەک هەوڵی "هەڵخڕێنەر و ڕەواییدان بە داگیرکاریی دوژمنکارانە" وەسف کردووە.
