کوردستان میدیا: نارنجۆکێکی نەتەقێنراوی سەردەمی شەڕی هەشت ساڵەی ئێران و ئێراق، لە گوندی سنوورنشینی "خانمە کۆنـ"ـی مەریوان دۆزرایەوە.
پێشتر چالاکانی مافی مرۆڤ و ڕۆژنامەنووسان سەبارەت بە جێگوڕینی "مینـ"ـە پووچەڵ نەکراوەکان لە کوردستاندا، بە هۆی لافاو هۆشدارییان بە خەڵکی کوردستان دابوو.
وێڕای دەڕبڕینی نیگەرانیی چالاکانی مافی مرۆڤ سەبارەت بە بوونی ژمارەیەکی زۆر مین و تەقەمەنیی سەردەمی شەڕ لە کوردستاندا، بەردەوام بەرپرسانی ڕێژیم کەمتەرخەمن و ڕۆژ نییە لەم ناوچانەدا کارەسات نەخولقێت.
هەروەها ڕێژیم، نەتەنیا مینەکان پووچەڵ ناکاتەوە، بەڵکوو سپای تێرۆریستی پاسداران، بەردەوام سەرقاڵی لێدانی بنکە و بارەگایە و مینی تازە دەچێنێت و گیانی خەڵکی ناوچەکە زۆرتر لە پێش دەخاتە مەترسییەوە.
