کوردستان میدیا: عه‌ره‌بستانی سعوودی بۆ مه‌حكووم كردنی ده‌ستێوه‌ردانه‌كانی ڕێژیمی ئێران و ڕووسیه‌‌له‌كاروباری سووریه‌له‌هه‌وڵی په‌سندكردنی بڕیارنامه‌یه‌ك له‌كۆمیته‌ی مافی مرۆڤی كۆڕی گشتی نه‌ته‌وه‌یه‌كگرتووه‌كانه‌.

به‌پێی دوایین ڕاپۆرت و هه‌واڵه‌كان، عه‌ره‌بستانی سعوودی له‌هه‌وڵدایه‌تاكوو بڕیارنامه‌یه‌ك له‌دژی ڕێژیمه‌كانی ئێران و ڕووسیه‌‌له‌پێوه‌ندی له‌گه‌ڵ ده‌ستێوه‌ردانه‌كانیان له‌كاروباری سووریه‌له‌كۆمیته‌ی مافه‌كانی مرۆڤی كۆڕی گشتی نه‌ته‌وه‌یه‌كگرتووه‌كان په‌سند بكات.

ئه‌م هه‌نگاوه‌ی عه‌ره‌بستان ناڕه‌زایه‌تی ڕێژیمی ئێران و به‌شار ئه‌سه‌دی لێكه‌وتۆته‌وه‌.

به‌پێی ڕاپۆرتی ڕۆیتێرز ئه‌م بڕیارنامه‌له‌لایه‌ن عه‌ره‌بستانه‌وه‌ئاماده‌كراوه‌، به‌ڵام جگه‌له‌وڵاتانی عه‌ره‌بی له‌لایه‌ن ئامریكا، بریتانیا، فه‌ڕانسه‌و زلهێزه‌ڕۆژئاواییه‌كانیشه‌وه‌پاڵپشتی لێكراوه‌.

زۆرترین ڕه‌خنه‌له‌م بڕیارنامه‌له‌ڕێژیمی به‌شار ئه‌سه‌د گیراوه‌و تێیدا به‌توندی ڕه‌خنه‌له‌كه‌ڵكوه‌رگرتنی ئه‌سه‌د له‌هێزی سه‌ربازی به‌دژی خه‌ڵكی مه‌ده‌نی گیراوه‌.

له‌ڕه‌شنووسی ئه‌م بڕیارنامه‌دا به‌ئاشكرا باسی ڕووسیه‌‌نه‌كراوه‌به‌ڵام به‌توندی هه‌موو هێرشه‌كان بۆ سه‌ر دژبه‌رانی پارێزكاری سووری ئیدانه‌كردووه‌و خوازیاری ڕاوه‌ستاندنی به‌په‌له‌ی ئه‌م هێرشانه‌بووه‌و هێما بۆ ئه‌وه‌ده‌كات كه‌وه‌ها هێرشگه‌لێك به‌قازانجی داعش و گروپه‌تێرۆریستییه‌كانی وه‌ك به‌ره‌ی ‌نوسره‌یه‌.

ڕێژیمی ئێرانیش به‌شداری ڕواێژكار و فێركاره‌سه‌ربازییه‌كانی له‌سوریه‌دا پشتڕاست ده‌كاته‌وه‌به‌ڵام ده‌ڵێ له‌هیچ كام له‌شه‌ڕه‌كاندا به‌شێوه‌ی ڕاسته‌وخۆ به‌شداری ناكات.

ئه‌مه‌ش له‌حاڵیكدایه‌كه‌له‌١ مانگی ڕابردوودا زیاتر له‌٤٠ فه‌رمانده‌ی پله‌به‌رزی سوپای پاسداران له‌سووریه‌كوژراون.