بەپێی هەواڵی ماڵپەڕی "تیجارت نیوز"، بودجەی هەر یەک لە پارێزگاکانی ئێران و کوردستانی ڕۆژهەڵات لە پرۆژەیاسای ساڵی ١٤٠١دا دیاری کراوە و پارێزگاکانی کوردستان وەک هەمیشە پشتگوێ خراون و کەمترین پشکیان بەردەکەوێت.
بەپێی ئەو دابەشکارییە، پارێزگاکانی "تاران، یەزد و بووشێهر" زۆرترین پشکیان لە بودجەی ١٤٠١دا بەردەکەوێت و پارێزگاکانی کوردستانی ڕۆژهەڵات و پارێزگاکانی "بەلووچستان، گوڵستان، قەزوین و ئەردەبێڵ" کەمترین پشکیان بەردەکەوێت.
ئەگەر پشکی بودجەی هەر پارێزگایەک بەسەر ڕێژەی حەشیمەتی پارێزگاکەدا دابەش بکەین، "سەرانەی بودجەی پارێزگایی هەر تاکێک" بەدەست دێت.
