"حوسێن کرمانپوور" بەڕێوەبەری دەرمانخانەی ئورژانسی سینای تاران سەرەڕای ڕەتکردنەوەی پڕوپاگەندەی ئەوەی منداڵان تووشی کۆرۆنا نابن وتوویەتی: "لە سەرەتای هاتنی کۆرۆنا هەتا ئێستا ٣٠٠ منداڵ و مێرمنداڵ بەهۆی ئەو ڤایرۆسەوە گیانیان لەدەست داوە".
"کرمانپوور" باسی لەوە کردووە, هەموو کەسێک ئەگەری تووشبوونی بە کۆرۆنا هەیە و هەرکەس لە شوێنە گشتییەکان پرۆتۆکۆلی تەندروستیی پێویست ڕەچاو نەکات، مەترسیی تووشبوون بە کۆرۆنای لەسەرە.
ناوبراو هەروەها ئاماژەی بەوە کردووە: "بەرپرسان و کاربەدەستانی ئێمە بەو شێوەیە کە دەبا چالاک بن لەو بوارەوە و ڕێگری بکەن لە بەربڵاوبوونی ئەو ڤایرۆسە چالاک نەبوونە و ئەوە بووەتە هۆی ئەوەی کە ئێستا خەڵک کۆرۆنایان بۆ ئاسایی ببێتەوە و گرنگی بە خۆپارێزی نەدەن".
لە دوای کرانەوەی قوتابخانەکان ڕێژەی تووشبووان لەنێو منداڵان و مێرمنداڵاندا زۆر زیاتر بووە.
