کوردستان میدیا

شەممه 9ی رەشەمه 2720
ماڵپەڕی ناوەندیی حیزبی دێموکراتی کوردستانی ئێران

بەڕێوەنەبردنی پرۆژەکان لە شاری مەهاباد ناڕەزایەتیی خەڵکی لێ کەوتووەتەوە

17:49 - 28 رێبەندان 2720

دانیشتوانی ساختومانەکانی "سەیدئاوا"ی شاری مەهاباد بەنیسبەت بەڕێوەنەبردنی بەڵێنییەکان لەلایەن ئیدارەی گازی ئەو شارە ناڕەزایەتییان دەربڕیوە.

هاووڵاتیان باس لەوە دەکەن کە داوای تێپەڕینی دوو ساڵ، ئیدارەی گازی مەهاباد هەتا ئێستا بەڵێنییەکانی خۆی لەهەمبەر دیاریکردنی شوێن بۆ دروستکردنی وێستگەی بەهێزکردنی زەختی گاز نەبردووەتە سەر.

هەروەها هاووڵاتییان باس لەوە دەکەن کە ماوەی ٣ حەوتوویە بەشێک لەو جێگایانەی بۆ کێشانی گاز هەڵکەندارە، سەرەڕای تەواوبوونی کارەکان هەروا وەکوو خۆی بەجێماوە و ئەمە کێشەیەکی زۆری بۆ خەڵک دروست کردووە.