ئیدارەی ئیتلاعاتی ڕێژیمی ئێران لە میاندواو لە ڕێگای جاشەکانەوە ترس و دڵەڕاوکێی خستووەتە نێو خەڵکی گوندەکانی ناوچەی "چۆمی مەجیدخان و شاروێرانـ"ـەوە.
کاربەدەستانی ئیتلاعاتی ڕێژیمی ئێران زیاتر گوشاریان بۆ وەرزێڕانی ئەو ناوچەیە هێناوە و پێیان دەڵێن کە دەبێ شوێنی پێشمەرگەیان پێ بڵێن.
لە ماوەی چەند ڕۆژی ڕابردوودا جاشەکان بە شەودا بە مووچە و مەزراکانی ئەو ناوچەیەدا دەگڕێن و لەدوای شوێن پێی پێشمەرگەن.
بەکرێگیراوانی ڕێژیم بەو بیانوویە خەرمانی خەڵک تێک دەدەن و ڕەز و باخی خەڵک دەشێوێنن.
جیا لەوەش بەکرێگیراوانی ڕێژیم هەڕەشە لە خەڵک دەکەن و ئەوەش ترس و نیگەرانیی خستووەتە نێو خەڵکەوە.
