لە سەردەشت ژنێکی تەمەن ٣٠ ساڵە که ماوی یەک حەوتوو لە قەرەنتینەدا بووە، تاقیکارییەکان دەریخستووە ئەو ژنە تووشی نەخۆشیی کۆرۆنا بووە.
شوناسی ئەو هاووڵاتییە "س.ع" ڕاگەیەندراوە و نابراو ئێستا لە نەخۆشخانەی سەردەشت لە قەرەنتینەدایه.
ئیدارەی ئیتلاعاتی ڕێژیمی ئێران گوشاری بۆ سەر پێرسۆنێلی نەخۆشخانەکە هێناوە کە نابێ ئەو هەواڵە بڵاو بکرێتەوە.
ئەمە یەکەم حاڵەتە کە لە سەردەشت تۆمار کراوە و خەڵک نیگەرانن کە تەشەنەسەندنی ئەو نەخۆشییە مەترسییەکی گەورەیە بۆ سەر خەڵکی شارەکە.
سەردەشت، گوندی زەردی سەر بە داڵاهوو، نێ لە مەریوان و چەند شاری دیکە کە بە چەکی کیمیایی هێرشیان کراوەتە سەر، مەترسیی ئەو نەخۆشییە چەند قات زیاترە.
نەخۆشیی کۆرۆنا تاک تووشی تەنگیی هەناسەکێشان دەکات و لەو شارانەی کوردستان ئەگەر هاووڵاتییەک تووش بێت مەترسییەکە چەند قات زیاتر دەبێتەوە.
