حیزبی "خەڵکی بەلووچستان" لە بەیانییەیەکدا هێرشەکانی سپای تێرۆریستی پاسدارانی بۆ سەر بنکەکانی حیزبە کوردییەکانی دژبەری ڕێژیمی ئێرانی مەحکووم کرد.
حیزبی خەڵکی بەلووچستان لە بەیانییەیەکدا بڵاوی کردووەتەوە، هێرشی تۆپخانە و مووشەکیی سپای تێرۆریستی پاسداران لە ناوچە سنوورییەکان و قووڵایی خاکی هەرێمی کوردستان دژی حیزبە کوردییەکانی دژبەری ئەو ڕێژیمە، شتێکی تازە نییە.
لەو بەیانییەیەدا هاتووە، ڕێژیمی ئێران لە دەرفەتی جیاوازدا هێرشی کردووەتە سەر حیزبە کوردییەکان و بنەماڵەکانیان کە لە هەرێمی کوردستاندان.
لەو بەیانییەیەدا هاتووە، لەو هێرشانەدا تەنیا هێزە سیاسی و بنەماڵەکانیان ناکەونە بەر هێرش، بەڵکوو خەساری گیانی و ماددی بە خەڵکی ناوچە سنوورییەکانیش دەگەیەنێت و دەبێتە هۆی کوژرانی خەڵکی مەدەنیش.
لە بەشێکی ئەو بەیانییەیەدا هاتووە، ئەمجارەش ڕێژیمی ئێران کەڵکی لە ئاڵۆزیی ناوچەکە وەرگرت و بە تۆپخانە هێرشی کردە سەر بنکەکانی حیزبە کوردییەکان.
