کوردستان میدیا

چوارشەممه 14ی جۆزەردان 2720
ماڵپەڕی ناوەندیی حیزبی دێموکراتی کوردستانی ئێران

حیزبی دێموکراتی کوردستانی ئێران ئەدەبیاتی دەروەستی خۆی هەیە

12:14 - 25 خاکەلێوه 2720

حیزبی دێموکراتی کوردستانی ئێران لە ئاگادارییەک بۆ ڕای گشتیی بڵاوی کردەوە هیچ ماڵپەڕ و لاپەڕەیەک بە ناوی حیزبی دێموکراتەوە بوونی نییە مەگەر لەلایەن کەس یا دەزگای بەرپرس و دیاری حیزبی دێموکراتەوە تەئید کرابێت.

دەقی ئاگادارییەکە بەم چەشنەیە:

ئاگاداریه‌ک بۆ ڕای گشتی

له‌ نێو تۆڕه‌ كۆمه‌ڵایه‌تییه‌كان و دنیای مه‌جازیدا، هه‌ندێک لاپه‌ڕه‌ و ژماره‌ی تایبه‌ت كراونه‌ته‌وه‌ و ڕه‌نگه له‌ داهاتووشدا لاپه‌ڕه‌ی دیكه‌ بكرێنه‌وه‌ كه‌ خاوه‌نه‌كانی پشتی ئه‌و لاپه‌ڕانه‌ دیار نین. ئەم لاپەڕانە یان به‌ ناوی حیزبی دێموكراتی كوردستانی ئێران یان ده‌زگا و ئۆرگانێكی ئه‌م حیزبه‌وه‌ ده‌كرێنه‌وه‌ و به‌ڕێوه‌به‌رانیان بۆ حیزبی دێموكرات ناسراو نین و دیار نییه‌ كێ به‌ڕێوه‌یان ده‌با.

پێشتریش ڕاگه‌یه‌ندراوه‌ و دووپاتی ده‌كه‌ینه‌وه‌ كه‌ هیچ ماڵپه‌ڕ و لاپه‌ره‌یه‌ک به‌ ناوی حیزبی دێموكرات و یان ده‌زگایه‌كه‌ی ئه‌م حیزبه‌وه،‌ پێوه‌ندیی به‌ حیزبی دێموكراتی كوردستانی ئێرانه‌وه‌ نییه‌، مه‌گه‌ر ئه‌وه‌یكه‌ له‌لایه‌ن كه‌س یان ده‌زگای به‌رپرس و دیاری حیزبی دێموكراته‌وه‌ ته‌یید كرابێ یان له‌ ماڵپه‌ڕی ناوندیی حیزبی دێموكرات واته‌، ماڵپه‌ڕی "كوردستان میدیا"دا به‌ فه‌رمی ڕاگه‌یه‌ندرابێ.

به‌تایبه‌ت كه‌ هه‌ندێک لاپه‌ڕه‌ و ئەکاونت له‌م ڕۆژانه‌دا شت ده‌نووسن و بابه‌ت به‌ دژی ئه‌م لایه‌ن و ئه‌و لایه‌نی سیاسی بڵاو ده‌كه‌نه‌وه‌ كه‌ له‌ زمان و ئاخاوتنی حیزبی دێموكراته‌وه‌ دووره‌ و حیزبی دێموكرات ئه‌ده‌بیاتێكی تایبه‌ت و ده‌روه‌ستی خۆی هه‌یه‌ و زمانی سووک به‌نیسبه‌ت هیچ لایه‌ن و كه‌سایه‌تییه‌كه‌وه‌ وه‌گه‌ڕ ناخا.

حیزبی دێموكراتی كوردستانی ئێران

ده‌زگای ڕاگه‌یاندنی گشتی

٢٥ی خاكه‌لێوه‌ی ٢٧٢٠ی كوردی

١٣ی ئاوریلی ٢٠٢٠ی زایینی